अरण्यकाण्डम्Araṇya Kāṇḍa

sītāyā vacanam śrutvā daśagrīvaḥ pratāpavān ।
haste hastam samāhatya cakāra sumahat vapuḥ ॥

sa maithilīm punaḥ vākyam babhāṣe vākya kovidaḥ ।
na unmattayā śrutau manye mama vīrya parākramau ॥

ud vaheyam bhujābhyām tu medinīm aṁbare sthitaḥ ।
āpibeyam samudram ca mṛtyum hanyām raṇe sthitaḥ ॥

arkam tuṁdyām śaraiḥ tīkṣṇair vibhiṁdyām hi mahītalam ।
kāma rūpiṇam unmatte paśya mām kāmadam patim ॥

evam uktavataḥ tasya rāvaṇasya śikhi prabhe ।
kruddhasya hari paryante rakte netre babhūvatuḥ ॥

sadyaḥ saumyam parityajya tīkṣṇa rūpam sa rāvaṇaḥ ।
svam rūpam kāla rūpa ābham bheje vaiśravaṇa anujaḥ ॥

saṁrakta nayanaḥ śrīmān tapta kāṁcana bhūṣaṇaḥ ।
krodhena mahatā āviṣṭo nīla jīmūta sannibhaḥ ॥

daśa āsyo viṁśati bhujo babhūva kṣaṇadā caraḥ ।
sa parivrājaka cchadma mahākāyo vihāya tat ॥

pratipede svakam rūpam rāvaṇo rākṣasa adhipaḥ ।
rakta aṁbara dharaḥ tasthau strī ratnam prekṣya maithilīm ॥

sa tām asita keśa antām bhāskarasya prabhām iva ।
vasana ābharaṇa upetām maithilīm rāvaṇo abravīt ॥

triṣu lokeṣu vikhyātam yadi bhartāram icchasi ।
mām āśraya varārohe tava aham sadṛśaḥ patiḥ ॥

mām bhajasva cirāya tvam aham ślāghyaḥ patiḥ tava ।
na eva ca aham kvacit bhadre kariṣye tava vipriyam ॥

tyajyatām mānuṣo bhāvo mayi bhāvaḥ praṇīyatām ।
rājyāt cyutam asiddha artham rāmam parimita āyuṣam ॥

kaiḥ guṇaiḥ anuraktā asi mūḍhe paṇḍita mānini ।
yaḥ striyā vacanāt rājyam vihāya sasuhṛt janam ॥

asmin vyāla anucarite vane vasati durmatiḥ ।
iti uktvā maithilīm vākyam priya arhām priya vādinīm ॥

abhigamya suduṣṭa ātmā rākṣasaḥ kāma mohitaḥ ।
jagrāha rāvaṇaḥ sītām budhaḥ khe rohiṇīm iva ॥

vāmena sītām padmākṣīm mūrdhajeṣu kareṇa saḥ ।
ūrvoḥ tu dakṣiṇena eva parijagrāha pāṇinā ॥

tam dṛṣṭvā giri śṛṁga ābham tīkṣṇa daṁṣṭram mahā bhujam ।
prādravan mṛtyu saṁkāśam bhaya ārtā vana devatāḥ ॥

sa ca māyāmayo divyaḥ khara yuktaḥ khara svanaḥ ।
pratyadṛśyata hemāṁgo rāvaṇasya mahārathaḥ ॥

tataḥ tām paruṣaiḥ vākyaiḥ abhitarjya mahāsvanaḥ ।
aṁkena ādāya vaidehīm ratham āropayat tadā ॥

sā gṛhītā aticukrośa rāvaṇena yaśasvinī ।
rāmā iti sītā duḥkha ārtā rāmam dūram gatam vane ॥

tām akāmām sa kāma ārtaḥ pannaga indra vadhūm iva ।
viveṣṭamānām ādāya utpapāta atha rāvaṇaḥ ॥

tataḥ sā rākṣasendreṇa hriyamāṇā vihāyasā ।
bhṛśam cukrośa mattā iva bhrāṁta cittā yathā āturā ॥

hā lakṣmaṇa mahābāho guru citta prasādaka ।
hriyamāṇām na jānīṣe rakṣasā kāma rūpiṇā ॥

jīvitam sukham arthām ca dharma hetoḥ parityajan ।
hriyamāṇām adharmeṇa mām rāghava na paśyasi ॥

nanu nāma avinītānām vinetā asi paraṁtapa ।
katham evam vidham pāpam na tvam śāssi hi rāvaṇam ॥

nanu sadyo avinītasya dṛśyate karmaṇaḥ phalam ।
kālo api aṁgī bhavati atra sasyānām iva paktaye ॥

tvam karma kṛtavān etat kāla upahata cetanaḥ ।
jīvita aṁtakaram ghoram rāmāt vyasanam āpnuhi ॥

hanta idānīm sakāmā tu kaikeyī bāndhavaiḥ saha ।
hriyeyam dharma kāmasya dharma patnī yaśasvinaḥ ॥

āmaṁtraye janasthānam karṇikārān ca puṣpitān ।
kṣipram rāmāya śaṁsadhvam sītām harati rāvaṇaḥ ॥

haṁsa sārasa saṁghuṣṭām vande godāvarīm nadīm ।
kṣipram rāmāya śaṁsa tvam sītām harati rāvaṇaḥ ॥

daivatāni ca yānti asmin vane vividha pādape ।
namaskaromi aham tebhyo bhartuḥ śaṁsata mām hṛtām ॥

yāni kānicit api atra sattvāni nivasanti uta ।
sarvāṇi śaraṇam yāmi mṛga pakṣi gaṇān api ॥

hriyamāṇām priyām bhartuḥ prāṇebhyo api garīyasīm ।
vivaśa apahṛtā sītā rāvaṇena iti śaṁsata ॥

viditvā mām mahābāhuḥ amutra api mahābalaḥ ।
āneṣyati parākramya vaivasvata hṛtām api ॥

sā tadā karuṇā vāco vilapaṁtī suduḥkhitā ।
vanaspati gatam gridhram dadarśa āyata locanā ॥

sā tam ud vīkṣya suśroṇī rāvaṇasya vaśam gatā ।
samākraṁdat bhayaparā duḥkha upahatayā girā ॥

jaṭāyo paśya mama ārya hriyamāṇam anātha vat ।
anena rākṣasedreṇa karuṇam pāpa karmaṇā ॥

na eṣa vārayitum śakyaḥ tvayā krūro niśācara ।
sattvavān jitakāśī ca sa āyudhaḥ caiva durmatiḥ ॥

rāmāya tu yathā tattvam jaṭāyo haraṇam mama ।
lakṣmaṇāya ca tat sarvam ākhyātavyam aśeṣataḥ ॥