अरण्यकाण्डम्Araṇya Kāṇḍa

rāvaṇena tu vaidehī tadā pṛṣṭā jihīrṣuṇā ।
parivrājaka rūpeṇa śaśaṁsa ātmānam ātmanā ॥

brāhmaṇaḥ ca atithiḥ ca eṣa anukto hi śapeta mām ।
iti dhyātvā muhūrtam tu sītā vacanam abravīt ॥

duhitā janakasya aham maithilasya mahātmanaḥ ।
sītā nāmnā asmi bhadram te rāmasya mahiṣī priyā ॥

uṣitvā dvā daśa samāḥ ikṣvākūṇām niveśane ।
bhuṁjānā mānuṣān bhogān sarva kāma samṛddhinī ॥

tatra trayo daśe varṣe rāja amaṁtryata prabhuḥ ।
abhiṣecayitum rāmam sameto rāja mantribhiḥ ॥

tasmin saṁbhriyamāṇe tu rāghavasya abhiṣecane ।
kaikeyī nāma bhartāram mama āryā yācate varam ॥

pratigṛhya tu kaikeyī śvaśuram sukṛtena me ।
mama pravrājanam bhartur bharatasya abhiṣecanam ॥

dvau ayācata bhartāram satyasaṁdham nṛpottamam ।
na adya bhokṣye na ca svapsye na pāsye kadācana ॥

eṣa me jīvitasya anto rāmo yadi abhiṣicyate ।
iti bruvāṇām kaikeyīm śvaśuro me sa pārthivaḥ ॥

ayācata arthaiḥ anvarthaiḥ na ca yāṁcām cakāra sā ।
mama bhartā mahātejā vayasā paṁca viṁśakaḥ ॥

aṣṭā daśa hi varṣāṇi mama janmani gaṇyate ।
rāma iti prathito loke satyavān śīlavān śuciḥ ॥

viśālākṣo mahābāhuḥ sarva bhūta hite rataḥ ।
kāmārtaḥ ca mahārājaḥ pitā daśarathaḥ svayam ॥

kaikeyyāḥ priya kāmārtham tam rāmam na abhiṣecayat ।
abhiṣekāya tu pituḥ samīpam rāmam āgatam ॥

kaikeyī mama bhartāram iti uvāca drutam vacaḥ ।
tava pitrā samājñaptam mama idam śṛṇu rāghava ॥

bharatāya pradātavyam idam rājyam akaṇṭakam ।
tvayā tu khalu vastavyam nava varṣāṇi paṁca ca ॥

vane pravraja kākutstha pitaram mocaya anṛtāt ।
tathā iti uvāca tām rāmaḥ kaikeyīm akuto bhayaḥ ॥

cakāra tat vacaḥ tasyā mama bhartā dṛḍha vrataḥ ।
dadyāt na pratigṛhṇīyāt satyam brūyāt na ca anṛtam ॥

etat brāhmaṇa rāmasya vratam dhruvam anuttamam ।
tasya bhrātā tu vaimātro lakṣmaṇo nāma vīryavān ॥

rāmasya puruṣavyāghraḥ sahāyaḥ samare arihā ।
sa bhrātā lakṣmaṇo nāma dharma cārī dṛḍha vrataḥ ॥

anvagacchat dhanuṣ pāṇiḥ pravrajaṁtam mayā saha ।
jaṭī tāpasa rūpeṇa mayā saha saha anujaḥ ॥

praviṣṭo daṁḍakāraṇyam dharma nityo dhṛḍha vrataḥ ।
te vayam pracyutā rājyāt kaikeyyāḥ tu kṛte trayaḥ ॥

vicarāma dvija śreṣṭha vanam gaṁbhīram ojasā ।
samāśvasa muhūrtam tu śakyam vastum iha tvayā ॥

āgamiṣyati me bhartā vanyam ādāya puṣkalam ।
rurūn godhān varāhān ca hatvā ādāya amiṣān bahu ॥

saḥ tvam nāma ca gotram ca kulam ācakṣva tattvataḥ ।
ekaḥ ca daṇḍakāraṇye kim artham carasi dvija ॥

evam bruvatyām sītāyām rāma patnīām mahābalaḥ ।
pratyuvāca uttaram tīvram rāvaṇo rākṣasādhipaḥ ॥

yena vitrāsitā lokāḥ sa deva asura mānuṣā ।
aham saḥ rāvaṇo nāma sīte rakṣo gaṇa īśvaraḥ ॥

tvām tu kāṁcana varṇa ābhām dṛṣṭvā kauśeya vāsinīm ।
ratim svakeṣu dāreṣu na adhigacchāmi anindite ॥

bahvīnām uttama strīṇām āhṛtānām itaḥ tataḥ ।
sarvāsām eva bhadram te mama agra mahiṣī bhava ॥

laṁkā nāma samudrasya madhye mama mahāpurī ।
sāgareṇa parikṣiptā niviṣṭā giri mūrdhani ॥

tatra sīte mayā sārdham vaneṣu vicariṣyasi ।
na ca asya vana vāsasya spṛhayiṣyasi bhāmini ॥

paṁca dāsyaḥ sahasrāṇi sarva ābharaṇa bhūṣitāḥ ।
sīte paricariṣyanti bhāryā bhavasi me yadi ॥

rāvaṇena evam uktā tu kupitā janaka ātmajā ।
pratyuvāca anavadyāṁgī tam anādṛtya rākṣasam ॥

mahā girim iva akaṁpyam mahendra sadṛśam patim ।
mahā udadhim iva akṣobhyam aham rāmam anuvratā ॥

sarva lakṣaṇa saṁpannam nyagrodha pari maṇḍalam ।
satya saṁdham mahābhāgam rāmam anuvratā ॥

mahābāhum mahoraskam siṁha vikrāṁta gāminam ।
nṛsiṁham siṁha saṁkāśam aham rāmam anuvratā ॥

pūrṇa candra ānanam vīram rāja vatsam jitendriyam ।
pṛthu kīrtim mahābāhum aham rāmam anuvratā ॥

tvam punaḥ jaṁbukaḥ siṁhīm mām iha icchasi durlabhām ।
na aham śakyā tvayā spraṣṭum ādityasya prabhā yathā ॥

pādapān kāṁcanān nūnam bahūn paśyasi maṁdabhāk ।
rāghavasya priyām bhāryām yaḥ tvam icchasi rākṣasa ॥

kṣudhitasya ca siṁhasya mṛga śatroḥ tarasvinaḥ ।
āśī viṣasya vadanāt damṣṭrām ādātum icchasi ॥

maṁdaram parvata śreṣṭham pāṇinā hartum icchasi ।
kāla kūṭam viṣam pītvā svastimān gaṁtum icchasi ॥

akṣi sūcyā pramṛjasi jihvayā leḍhi ca kṣuram ।
rāghavasya priyām bhāryām adhigaṁtum tvam icchasi ॥

avasajya śilām kaṇṭhe samudram tartum icchasi ।
sūryā candramasau ca ubhau prāṇibhyām hartum icchasi ॥

yo rāmasya priyām bhāryām pradharṣayitum icchasi ।
agnim prajvalitam dṛṣṭvā vastreṇa āhartum icchasi ॥

kalyāṇa vṛttām yo bhāryām rāmasya hartum icchasi ।
ayo mukhānām śūlānām agre caritum icchasi ।
rāmasya sadṛśīm bhāryām yo adhigaṁtum tvam icchasi ॥

yad aṁtaram siṁha śṛgālayoḥ vaneyad aṁtaram syandanikā samudrayoḥ ।
sura agrya sauvīrakayoḥ yad aṁtaramtad aṁtaram dāśaratheḥ tava eva ca ॥

yad aṁtaram kāṁcana sīsa lohayoḥyad aṁtaram candana vāri paṁkayoḥ ।
yad aṁtaram hasti biḍālayoḥ vanetad aṁtaram daśaratheḥ tava eva ca ॥

yad aṁtaram vāyasa vainateyayoḥyad aṁtaram madgu mayūrayoḥ api ।
yad aṁtaram haṁsa gṛdhrayoḥ vanetad aṁtaram dāśaratheḥ tava eva ca ॥

tasmin sahasrākṣa sama prabhāverāme sthite kārmuka bāṇa pāṇau ।
hṛtā api te aham na jarām gamiṣyevajram yathā makṣikayā avagīrṇam ॥

iti iva tat vākyam aduṣṭa bhāvāsuduṣṭam uktvā rajanī caram tam ।
gātra prakaṁpāt vyathitā babhūvavāta uddhatā sā kadalī iva tanvī ॥

tām vepamānām upalakṣya sītāmsa rāvaṇo mṛtyu sama prabhāvaḥ ।
kulam balam nāma ca karma ca ātmanaḥsamācacakṣe bhaya kāraṇa artham ॥