अरण्यकाण्डम्Araṇya Kāṇḍa

ārtasvaram tu tam bhartuḥ vijñāya sadṛśam vane ।
uvāca lakṣmaṇam sītā gaccha jānīhi rāghavam ॥

na hi me jīvitam sthāne hṛdayam vā avatiṣṭhate ।
krośataḥ parama ārtasya śrutaḥ śabdo mayā bhṛśam ॥

ākrandamānam tu vane bhrātaram trātum arhasi ।
tam kṣipram abhidhāva tvam bhrātaram śaraṇa eṣiṇam ॥

rakṣasām vaśam āpannam siṁhānām iva govṛṣam ।
na jagāma tathā uktaḥ tu bhrātuḥ ājñāya śāsanam ॥

tam uvāca tataḥ tatra kṣubhitā janaka ātmajā ।
saumitre mitra rūpeṇa bhrātuḥ tvam asi śatruvat ॥

yaḥ tvam asyām avasthāyām bhrātaram na abhipadyase ।
icchasi tvam vinaśyantam rāmam lakṣmaṇa mat kṛte ॥

lobhāt tu mat kṛtam nūnam na anugacchasi rāghavam ।
vyasanam te priyam manye sneho bhrātari na asti te ॥

tena tiṣṭhasi visrabdhaḥ tam apaśyan mahādyutim ।
kim hi saṁśayam āpanne tasmin iha mayā bhavet ॥

kartavyam iha tiṣṭhantyā yat pradhānaḥ tvam āgataḥ ।
evam bruvāṇam vaidehīm bāṣpa śoka samanvitam ॥

abravīt lakṣmaṇaḥ trastām sītām mṛga vadhūm iva ।
pannaga asura gandharva deva dānava rākṣasaiḥ ॥

aśakyaḥ tava vaidehī bhartā jetum na saṁśayaḥ ।
devi deva manuṣyeṣu gandharveṣu patatriṣu ॥

rākṣaseṣu piśāceṣu kinnareṣu mṛgeṣu ca ।
dānaveṣu ca ghoreṣu na sa vidyeta śobhane ॥

yo rāmam pratiyudhyeta samare vāsava upamam ।
avadhyaḥ samare rāmo na evam tvam vaktum arhasi ॥

na tvām asmin vane hātum utsahe rāghavam vinā ।
anivāryam balam tasya balaiḥ balavatām api ॥

tribhiḥ lokaiḥ samuditaiḥ sa īśvaraiḥ sa amaraiḥ api ।
hṛdayam nirvṛtam te astu saṁtāpaḥ tyajyatām tava ॥

āgamiṣyati te bhartā śīghram hatvā mṛgottamam ।
na sas tasya svaro vyaktam na kaścit api daivataḥ ॥

gandharva nagara prakhyā māyā tasya ca rakṣasaḥ ।
nyāsa bhūtā asi vaidehi nyastā mayi mahātmanā ॥

rāmeṇa tvam varārohe na tvām tyaktum iha utsahe ।
kṛta vairāḥ ca kalyāṇi vayam etaiḥ niśācaraiḥ ॥

kharasya nidhane devi janasthāna vadham prati ।
rākṣasā vividhā vāco vyavaharanti mahāvane ॥

hiṁsā vihārā vaidehi na cintayitum arhasi ।
lakṣmaṇena evam uktā tu kruddhā saṁrakta locanā ॥

abravīt paruṣam vākyam lakṣmaṇam satya vādinam ।
anārya karuṇāraṁbha nṛśaṁsa kula pāṁsana ॥

aham tava priyam manye rāmasya vyasanam mahat ।
rāmasya vyasanm dṛṣṭvā tena etāni prabhāṣase ॥

na eva citram sapatneṣu pāpam lakṣmaṇa yat bhavet ।
tvat vidheṣu nṛśaṁseṣu nityam pracchanna cāriṣu ॥

suduṣṭaḥ tvam vane rāmam ekam eko anugacchasi ।
mama hetoḥ praticchannaḥ prayukto bharatena vā ॥

tat na siddhyati saumitre tava api bharatasya vā ।
katham iṁdīvara śyāmam rāmam padma nibhekṣaṇam ॥

upasaṁśritya bhartāram kāmayeyam pṛthak janam ।
samakṣam tava saumitre prāṇān tyakṣyāmi asaṁśayam ॥

rāmam vinā kṣaṇam api na eva jīvāmi bhū tale ।
iti uktaḥ paruṣam vākyam sītayā romaharṣaṇam ॥

abravīt lakṣmaṇaḥ sītām prāṁjaliḥ vijitendriyaḥ ।
uttaram na utsahe vaktum daivatam bhavatī mama ॥

vākyam apratirūpam tu na citram strīṣu maithili ।
svabhāvaḥ tu eṣa nārīṇām eṣu lokeṣu dṛśyate ॥

vimukta dharmāḥ capalāḥ tīkṣṇā bhedakarāḥ striyaḥ ।
na sahe hi īdṛśam vākyam vaidehī janaka ātmaje ॥

śrotrayoḥ ubhayoḥ madhye tapta nārāca sannibham ।
upaśṛṇvaṁtu me sarve sākṣino hi vanecarāḥ ॥

nyāya vādī yathā vākyam ukto aham paruṣam tvayā ।
dhik tvām adya praṇaśyantīm yan mām evam viśaṁkase ॥

strītvāt duṣṭa svabhāvena guru vākye vyavasthitam ।
gamiṣye yatra kākutsthaḥ svasti te astu varānane ॥

rakṣantu tvām viśālākṣi samagrā vana devatāḥ ।
nimittāni hi ghorāṇi yāni prādurbhavanti me ।
api tvām saha rāmeṇa paśyeyam punarāgataḥ ॥

lakṣmaṇena evam uktā tu rudatī janakāatmajā ।
pratyuvāca tato vākyam tīvram bāṣpa pariplutā ॥

godāvarīm pravekṣyāmi hīnā rāmeṇa lakṣmaṇa ।
ābandhiṣye athavā tyakṣye viṣame deham ātmanaḥ ॥

pibāmi vā viṣam tīkṣṇam pravekṣyāmi hutāśanam ।
na tu aham rāghavāt anyam kadāapi puruṣam spṛśe ॥

iti lakṣmaṇam āśrutya sītā duhkha samanvitā ।
pāṇibhyām rudatī duhkhād udaram prajaghāna ha ॥

tām ārta rūpām vimanā rudantīmsaumitriḥ ālokya viśāla netrām ।
āśvāsayāmāsa na caiva bhartuḥtam bhrātaram kiṁcit uvāca sītā ॥

tataḥ tu sītām abhivādya lakṣmaṇaḥkṛta anjaliḥ kimcid abhipraṇamya ।
avekṣamāṇo bahuśaḥ sa maithilīmjagāma rāmasya samīpam ātmavān ॥