अरण्यकाण्डम्Araṇya Kāṇḍa

tataḥ śūrpaṇakhā vākyam tat śrutvā roma harṣaṇam ।
sacivān abhyanujñāya kāryam buddhvā jagāma ha ॥

tat kāryam anugamyāṁtar yathāvat upalabhya ca ।
doṣāṇām ca guṇānām ca sampradhārya bala abalam ॥

iti kartavyam iti eva kṛtvā niścayam ātmanaḥ ।
sthira buddhiḥ tato ramyām yāna śālām jagāma ha ॥

yāna śālām tato gatvā pracchannam rākṣasa adhipaḥ ।
sūtam saṁcodayāmāsa rathaḥ saṁyujyatām iti ॥

evam uktaḥ kṣaṇena eva sārathiḥ laghu vikramaḥ ।
ratham saṁyojayāmāsa tasya abhimatam uttamam ॥

kāṁcanam ratham āsthāya kāmagam ratna bhūṣitam ।
piśāca vadanaiḥ yuktam kharaiḥ kanaka bhūṣaṇaiḥ ॥

megha pratima nādena sa tena dhanada anujaḥ ।
rākṣasādhipatiḥ śrīmān yayau nada nadī patim ॥

sa śveta vāla vyajanaḥ śvetaḥ chatro daśānanaḥ ।
snigdha vaidūrya saṁkāśa tapta kāncana bhūṣaṇaḥ ॥

daśagrīvo vimśati bhujo darśanīya paricchadaḥ ।
tridaśa ariḥ munīndra ghno daśa śīrṣa iva adri rāṭ ॥

kāmagam ratham āsthāya śuśubhe rākṣasādhipaḥ ।
vidyun maṇḍalavān meghaḥ sa balāka iva aṁbare ॥

sa śailam sāgara anūpam vīryavān avalokayan ।
nānā puṣpa phalair vṛkṣair anukīrṇam sahasraśaḥ ॥

śīta maṁgala toyābhiḥ padminībhiḥ samaṁtataḥ ।
viśālaiḥ āśrama padaiḥ vedimadbhiḥ alaṁkṛtam ॥

kadalya aṭavi saṁśobham nālikera upaśobhitam ।
sālaiḥ tālaiḥ tamālaiḥ ca tarubhiḥ ca supuṣpitaiḥ ॥

atyanta niyata āhāraiḥ śobhitam parama ṛṣibhiḥ ।
nāgaiḥ suparṇaiḥ gaṁdharvaiḥ kiṁnaraiḥ ca sahasraśaḥ ॥

jita kāmaiḥ ca siddhaiḥ ca cāraṇaiḥ ca upaśobhitam ।
ājaiḥ vaikhānasaiḥ māṣaiḥ vālakhilyaiḥ marīcipaiḥ ॥

divya ābharaṇa mālyābhiḥ divya rūpābhiḥ āvṛtam ।
krīḍā rati vidhijñābhiḥ apsarobhiḥ sahasraśaḥ ॥

sevitam deva patnībhiḥ śrīmatībhiḥ upāsitam ।
deva dānava sanghaiḥ ca caritam tu amṛta aśibhiḥ ॥

haṁsa kraunca plava ākīrṇam sārasaiḥ saṁpraṇāditam ।
vaidūrya prastaram snigdham sāṁdram sāgara tejasā ॥

pāṇḍurāṇi viśālāni divya mālya yutāni ca ।
tūrya gīta abhijuṣṭāni vimānāni samaṁtataḥ ॥

tapasā jita lokānām kāmagān abhisaṁpatan ।
gandharva apsarasaḥ caiva dadarśa dhanadānujaḥ ॥

niryāsa rasa mūlānām caṁdanānām sahasraśaḥ ।
vanāni paśyan saumyāni ghrāṇa tṛpti karāṇi ca ॥

agurūṇām ca mukhyānām vanāni upavanāni ca ।
takkolānām ca jātyānām phalānām ca sugandhinām ॥

puṣpāṇi ca tamālasya gulmāni maricasya ca ।
muktānām ca samūhāni śuṣyamāṇāni tīrataḥ ॥

śailāni pravarān caiva pravāla nicayān tathā ।
kāṁcanāni ca śṛṁgāṇi rājatāni tathaiva ca ॥

prasravāṇi manojñāni prasannāni adbhutāni ca ।
dhana dhānya upapannāni strī ratnaiḥ āvṛtāni ca ॥

hasti aśva ratha gāḍhāni nagarāṇi vilokayan ।
tam samam sarvataḥ snigdham mṛdu saṁsparśa mārutam ॥

anūpe sindhu rājasya dadarśa tridiva upamam ।
tatra apaśyat sa megha ābham nyagrodham munibhir vṛtam ॥

samaṁtāt yasya tāḥ śākhāḥ śata yojanam āyatāḥ ।
yasya hastinam ādāya mahā kāyam ca kacchapam ॥

bhakṣārtham garuḍaḥ śākhām ājagāma mahābalaḥ ।
tasya tām sahasā śākhām bhāreṇa patagottamaḥ ॥

suparṇaḥ parṇa bahulām babhaṁja atha mahābalaḥ ।
tatra vaikhānasā māṣā vālakhilyā marīcipāḥ ॥

ajā babhūvuḥ dhūmrāḥ ca saṁgatāḥ paramarṣayaḥ ।
teṣām dayāartham garuḍaḥ tām śākhām śata yojanām ॥

bhagnam ādāya vegena tau ca ubhau gaja kacchapau ।
eka pādena dharma ātmā bhakṣayitvā tat āmiṣam ॥

niṣāda viṣayam hatvā śākhayā patagottamaḥ ।
praharṣam atulam lebhe mokṣayitvā mahāmunīn ॥

sa tena tu praharṣeṇa dviguṇī kṛta vikramaḥ ।
amṛta ānayanārtham vai cakāra matimān matim ॥

ayo jālāni nirmathya bhittvā ratna gṛham varam ।
mahendra bhavanāt guptam ājahāra amṛtam tataḥ ॥

tam maharṣi gaṇaiḥ juṣṭam suparṇa kṛta lakṣaṇam ।
nāmnā subhadram nyagrodham dadarśa dhanada anujaḥ ॥

tam tu gatvā param pāram samudrasya nadī pateḥ ।
dadarśa āśramam ekāṁte puṇye ramye vanāṁtare ॥

tatra kṛṣṇa ajina dharam jaṭā valkala dhāriṇam ।
dadarśa niyata āhāram mārīcam nāma rākṣasam ॥

sa rāvaṇaḥ samāgamya vidhivat tena rakṣasā ।
mārīcena arcito rājā sarva kāmaiḥ amānuṣaiḥ ॥

tam svayam pūjayitvā ca bhojanena udakena ca ।
arthopahitayā vācā mārīco vākyam abravīt ॥

kaccit te kuśalam rājan laṁkāyām rākṣaseśvara ।
kena arthen punaḥ tvam vai tūrṇam eva iha āgataḥ ॥

evam ukto mahātejā mārīcena sa rāvaṇa ।
tataḥ paścāt idam vākyam abravīt vākya kovidaḥ ॥