अरण्यकाण्डम्Araṇya Kāṇḍa

tvaramaṇaḥ tato gatvā janasthānāt akaṁpanaḥ ।
praviśya laṁkām vegena rāvaṇam vākyam abravīt ॥

janasthāna sthitā rājan rakṣasā bahavo hatāḥ ।
kharaḥ ca nihataḥ saṁkhye kthamcit aham āgataḥ ॥

evam ukto daśagrīvaḥ kruddhaḥ saṁrakata locanaḥ ।
akaṁpanam uvāca idam nirdahan iva tejasā ॥

kena bhīmam janasthānam hatam mama parāsunā ।
ko hi sarveṣu lokeṣu gatim na adhigamiṣyati ॥

na hi me vipriyam kṛtā śakyam maghavatā sukham ।
praptum vaiśravaṇena api na yamena ca viṣṇunā ॥

kālasya ca api aham kalo daheyam api pāvakam ।
mṛtyum maraṇa dharmeṇa saṁyojayitum utsahe ॥

vātasya tarasā vegam nihantum api ca utsahe ।
daheyam api saṁkruddhaḥ tejasā āditya pāvakau ॥

tathā kruddham daśagrīvam kṛtāṁjaliḥ akaṁpanaḥ ।
bhayāt saṁdigdhayā vacā rāvaṇam yācate abhayam ॥

daśagrīvo abhayam tasmai pradadau rakṣasām varaḥ ।
sa visrabdho abravīt vākyam asaṁdigdham akaṁpanaḥ ॥

putro daśarathaḥ te siṁha saṁhanano yuvā ।
rāmo nāma mahāskaṁdho vṛtta āyata mahābhujaḥ ॥

śyāmaḥ pṛthuyaśāḥ śrīmān atulya bala vikramaḥ ।
hataḥ tena janasthāne kharaḥ ca saha dūṣaṇaḥ ॥

akaṁpana vacaḥ śrutvā rāvaṇo rākṣasādhipa ।
nāgendra iva niḥśvasya idam vacanam abravīt ॥

sa surendreṇa saṁyukto rāmaḥ sarva amaraiḥ saha ।
upayāto janasthānam brūhi kaccit akaṁpana ॥

rāvaṇasya punar vākyam niśamya tad akaṁpanaḥ ।
ācacakṣe balam tasya vikramam ca mahātmanaḥ ॥

rāmo nāma mahātejāḥ śreṣṭaḥ sarva dhanuṣmatām ।
divya astra guṇa saṁpannaḥ paramdharma gato yudhi ॥

tasya anurūpo balabvān raktākṣo dundubhi svanaḥ ।
kanīyān lakṣmaṇo bhrātā rākā śaśi nibha ānanaḥ ॥

sa tena saha saṁyuktaḥ pāvakena anilo yathā ।
śrīmān rāja varaḥ tena janasthānam nipātitam ॥

na eva devā mahatmano na atra kāryā vicāraṇā ।
śarā rāmeṇa tu utsṛṣṭā rukmapuṁkhāḥ patatriṇaḥ ॥

sarpāḥ paṁcānanā bhūtvā bhakṣayanti sma rākṣasān ।
yena yena ca gacchanti rākṣasā bhaya karśitāḥ ॥

tena tena sma paśyanti rāmam eva agrataḥ sthitam ।
ittham vināśitam janasthānam tena tava anagha ॥

akaṁpana acaḥ śrutvā rāvaṇo vākyam abravīt ।
gamiṣyāmi janasthanam rāmam hantum sa lakṣmaṇam ॥

atha evam ukte vacane provāca idam akaṁpanaḥ ।
śruṇu rājan yathā vṛttam rāmasya bala pauruṣam ॥

asādhyaḥ kupito rāmo vikrameṇa mahāyaśāḥ ।
āpa gāyāḥ tu pūrṇāyā vegam pariharet śaraiḥ ॥

sa tārā graha nakṣatram nabhaḥ ca api avasādayet ।
asau rāmaḥ tu sīdantīm śrīmān abhyuddharet mahīm ॥

bhitvā velām samudrasya lokān āplāvayet vibhuḥ ।
vegam vā api samudrasya vāayum vā vidhamet śaraiḥ ॥

saṁhṛtya vā punar lokān vikrameṇa mahāyaśāḥ ।
śakataḥ śreṣṭhaḥ sa puruṣaḥ sraṣṭum punar api prajāḥ ॥

na hi rāmo daśagrīva śakyo jetum raṇe tvayā ।
rakṣasām vā api lokena svargaḥ pāpa janaiḥ iva ॥

na tam vadhyam aham manye sarvaiḥ deva asuraiḥ api ।
ayam asya vadha upāya tat ekamanāḥ śṛuṇu ॥

bhāryā tasya uttamā loke sītā nāma sumadhyamā ।
śyāmā sama vibhakta aṁgī strī ratnam ratna būṣitā ॥

na eva devī na gandharvī na apsarā na ca pannagī ।
tulyā sīmantinī tasyā mānuṣī tu kuto bhavet ॥

tasya apahara bhāryām tvam tam pramathya mahāvane ।
sītāyā rahito rāmo na ca eva hi bhaviṣyati ॥

arocayat tad vākyam rāvaṇo rākṣasa adhipaḥ ।
ciṁtayitvā mahābāhuḥ akaṁpanam uvāca ॥

bāḍham kalyam gamiṣyāmi hi ekaḥ sārathinā saha ।
āneṣyāmi ca vaidehīm imām hṛṣṭo mahā purīm ॥

tat evam uktvā prayayau khara yuktena rāvaṇaḥ ।
rathena āditya varṇena diśaḥ sarvāḥ prakāśayan ॥

sa ratho rākṣasa iṁdrasya nakṣatra pathago mahān ।
caṁcūryamānaḥ śuśubhe jalade caṁdramā iva ॥

sa dūre ca āśramam gatvā tāṭakeyam upāgatam ।
mārīcena arcito rājā bhakṣya bhojyaiḥ amānuṣaiḥ ॥

tam svayam pūjayitvā tu āsanena udakena ca ।
artha upahitayā vācā mārīco vākyam abravīt ॥

kaścit sukuśalam rājan lokānām rākṣasādhipa ।
āśaṁke na atha jāne tvam yataḥ tūrṇam upāgatam ॥

evam ukto mahātejā mārīcena sa rāvaṇa ।
tataḥ paścāt idam vākyam abravīt vākya kovidaḥ ॥

ārakṣo me hataḥ tāta rāmeṇa akliṣṭa kāriṇā ।
janasthānam avadhyam tat sarvam yudhi nipātitam ॥

tasya me kuru sācivyam tasya bhārya apaharaṇe ।
rākṣasendra vacaḥ śrutvā mārīco vākyam abravīt ॥

ākhyātā kena vā sītā mitra rūpeṇa śatruṇā ।
tvayā rākṣasa śārdūla ko na naṁdati naṁditaḥ ॥

sītām iha ānasva iti ko bravīti bravīhi me ।
rakṣo lokasya sarvasya kaḥ śṛṁgam cchettum icchati ॥

protsāhayati yaḥ ca tvam sa ca śatruḥ asaṁśayam ।
āśī mukhāt daṁṣṭrām uddhartum ca icchati tvayā ॥

karmaṇā anena kena asi kāpatham pratipāditaḥ ।
sukha suptasya te rājan prahṛtam kena mūrdhani ॥

viśuddha vaṁśa abhijanā agra hastaḥtejo madaḥ saṁsthita dor??? viṣāṇaḥ ।
udīkṣitum rāvaṇa na iha yuktaḥsa saṁyuge rāghava gandhi hastī ॥

asau raṇa antaḥ sthiti saṁdhi vālaḥvidagdha rakṣo mṛga hā nṛsiṁhaḥ ।
suptaḥ tvayā bodhayitum na śakyaḥśārāṁga purṇo niśita asi daṁṣṭRaḥ ॥

cāpāpahāre bhuja vega paṁkeśara ūrmimāle su mahā āhava oghe ।
na rāma pātāla mukhe ati ghorepraskanditum rākṣasa rāja yuktam ॥

prasīda laṁkeśvara rākṣasendralaṁkām prasanno bhava sādhu gaccha ।
tvam sveṣu dāreṣu ramasva nityamrāmaḥ sa bhāryo ramatām vaneṣu ॥

evam ukto daśagrīvo mārīcena sa rāvaṇaḥ ।
nyavartata purīm laṁkām viveśa ca gṛha uttamam ॥