अरण्यकाण्डम्Araṇya Kāṇḍa

bhittvā tu tām gadām bāṇaiḥ rāghavo dharma vatsalaḥ ।
smayamānaḥ kharam vākyam saṁrabdham idam abravīt ॥

etat te bala sarvasvam darśitam rākṣasādhama ।
śakti hīnataro matto vṛthā tvam upagarjasi ॥

eṣā bāṇa vinirbhinnā gadā bhūmi talam gatā ।
abhidhāna pragalbhasya tava pratyaya ghātinī ॥

yat tvayā uktam vinaṣṭānām idam aśru pramārjanam ।
rākṣasānām karomi iti mithyā tat api te vacaḥ ॥

nīcasya kṣudra śīlasya mithyā vṛttasya rakṣasaḥ ।
prāṇān apahariṣyāmi garutmān amṛtam yathā ॥

adya te bhinna kaṇṭhasya phena budbuda bhūṣitam ।
vidāritasya mat bāṇaiḥ mahī pāsyati śoṇitam ॥

pāṁsu rūṣita sarvāngaḥ srasta nyasta bhuja dvayaḥ ।
svapsyase gām samāśliṣya durlabhām pramadām iva ॥

pravṛddha nidre śayite tvayi rākṣasa pāṁsane ।
bhaviṣyanti aśaraṇyānām śaraṇyā daṇḍakā ime ॥

janasthāne hata sthāne tava rākṣasa mat śaraiḥ ।
nirbhayā vicariṣyanti sarvato munayo vane ॥

adya viprasariṣyanti rākṣasyo hata bāndhavāḥ ।
bāṣpa ārdra vadanā dīnā bhayāt anya bhayāvahāḥ ॥

adya śoka rasajñāḥ tāḥ bhaviṣyanti nirarthakāḥ ।
anurūpa kulāḥ patnyo yāsām tvam patiḥ īdṛśaḥ ॥

nṛśaṁsa śīla kṣudra ātman nityam brāhmaṇa kaṇṭaka ।
tvat kṛte śankitaiḥ agnau munibhiḥ pātyate haviḥ ॥

tam evam abhisaṁrabdham bruvāṇam rāghavam raṇe ।
kharo nirbhartsayāmāsa roṣāt kharatara svaraḥ ॥

dṛḍham khalu avalipto asi bhayeṣu api ca nirbhayaḥ ।
vācya avācyam tato hi tvam mṛtyu vaśyo na budhyase ॥

kāla pāśa parikṣiptā bhavaṁti puruṣā hi ye ।
kārya akāryam na jānanti te nirasta ṣaḍ indriyāḥ ॥

evam uktvā tato rāmam saṁrudhya bhṛkuṭim tataḥ ।
sa dadarśa mahā sālam avidūre niśācaraḥ ॥

raṇe praharaṇasya arthe sarvato hi avalokayan ।
sa tam utpāṭayāmāsa saṁdaṣṭa daśana cchadam ॥

tam samutkṣipya bāhubhyām vinarditvā mahābalaḥ ।
rāmam uddiśya cikṣepa hataḥ tvam iti ca abravīt ॥

tam āpatantam bāṇa oghaiḥ cchittvā rāmaḥ pratāpavān ।
roṣam āhārayat tīvram nihaṁtum samare kharam ॥

jāta svedaḥ tato rāmo roṣāt rakta anta locanaḥ ।
nirbibheda sahasreṇa bāṇānām samare kharam ॥

tasya bāṇa aṁtarāt raktam bahu susrāva phenilam ।
gireḥ prasravaṇasya iva dhārāṇām ca parisravaḥ ॥

vikala sa kṛto bāṇaiḥ kharo rāmeṇa saṁyuge ।
matto rudhira gandhena tam eva abhyadravat drutam ॥

tam āpataṁtam saṁrabdham kṛta astro rudhira āplutam ।
apasarpat dvi tri padam kiṁcit tvarita vikramaḥ ॥

tataḥ pāvaka saṁkāśam vadhāya samare śaram ।
kharasya rāmo jagrāha brahma daṇḍam iva aparam ॥

sa tat dattam maghavatā sura rājena dhīmatā ।
saṁdadhe ca sa dharmātmā mumoca ca kharam prati ॥

sa vimukto mahābāṇo nirghāta sama niḥsvanaḥ ।
rāmeṇa dhanurāyamya kharasya urasi ca āpatat ॥

sa papāta kharo bhūmau dahyamānaḥ śara agninā ।
rudreṇa eva vinirdagdhaḥ śveta araṇye yathā andhakaḥ ॥

sa vṛtra iva vajreṇa phenena namucir yathāa ।
balo vā indra aśani hato nipapāta hataḥ kharaḥ ॥

etasmin aṁtare devāḥ cāraṇayoḥ saha saṁgatāḥ ।
dundubhiḥ ca abhinighnaṁtaḥ puṣpa varṣa samaṁtataḥ ॥

rāmasya upari saṁhṛṣṭā vavarṣuḥ vismitāḥ tadā ।
artha adhika muhūrtena rāmeṇa niśitaiḥ śaraiḥ ॥

catur daśa sahasrāṇi rakṣsām kāma rūpiṇām ।
khara dūṣaṇa mukhyānām nihatāni mahāmṛdhe ॥

aho bata mahat karma rāmasya vidita ātmanaḥ ।
aho vīryam aho dārḍhyam viṣṇoḥ iva hi dṛśyate ॥

iti evam uktvā te sarve yayuḥ devā yathā āgatam ।
tato rāja ṛṣayaḥ sarve samgatāḥ parama ṛṣayaḥ ॥

sabhājya muditā rāmam sa agastyā idam abruvan ।
etat artham mahātejā mahendraḥ pāka śāsanaḥ ॥

śarabhaṁga āśramam puṇyam ājagāma puraṁdaraḥ ।
ānītaḥ tvam imam deśam upāyena maharṣibhiḥ ॥

eṣām vadha artham śatrūṇām rakṣasām pāpa karmaṇām ।
tat idam naḥ kṛtam kāryam tvayā daśaratha ātmaja ॥

sva dharmam pracariṣyanti daṇḍakeṣu maharṣayaḥ ।
etasmin anaṁtare vīro lakṣmaṇaḥ saha sītayā ॥

giri durgāt viniṣkramya saṁviveśa āśramam sukhī ।
tato rāmaḥ tu vijayī pūjyamāno maharṣibhiḥ ॥

praviveśa āśramam vīro lakṣmaṇena abhipūjitaḥ ।
tam dṛṣṭvā śatru haṁtāram maharṣīṇām sukha āvaham ॥

babhūva hṛṣṭā vaidehī bhartāram pariṣvaje ।
mudā paramayā yuktā dṛṣṭvā rakṣo gaṇān hatān ।
rāmam ca eva avyayam dṛṣṭā tutoṣa janaka ātmajā ॥

tataḥ tu tam rākṣasa saṁgha mardanamsa pūjyamānam muditaiḥ mahātmabhiḥ ।
punaḥ pariṣvajya mudā anvita ānanābabhūva hṛṣṭā janaka ātmajā tadā ॥