अरण्यकाण्डम्Araṇya Kāṇḍa

kharam tu rāma abhimukham prayāṁtam vāhinī patiḥ ।
rākṣasaḥ triśirā nāma saṁnipatya idam abravīt ॥

mām niyojaya vikrāṁtam tvam nivartasva sāhasāt ।
paśya rāmam mahābāhum saṁyuge vinipātitam ॥

pratijānāmi te satyam āyudham ca aham ālabhe ।
yathā rāmam vadhiṣyāmi vadhārham sarva rakṣasām ॥

aham vā asya raṇe mṛtyuḥ eṣa vā samare mama ।
vinivartya raṇa utsāham muhūrtam prāśniko bhava ॥

prahṛṣṭo vā hate rāme janasthānam prayāsyasi ।
mayi vā nihate rāmam saṁyugāya prayāsyasi ॥

kharaḥ triśirasā tena mṛtyu lobhāt prasāditaḥ ।
gaccha yudhya iti anujñāto rāghava abhimukho yayau ॥

triśirāḥ tu rathena eva vāji yuktena bhāsvatā ।
abhyadravat raṇe rāmam tri śṛṁga iva parvataḥ ॥

śara dhārā samūhān sa mahāmegha iva utsṛjan ।
vyasṛjat sadṛśam nādam jala ārdrasya iva dundubheḥ ॥

āgacchaṁtam triśirasam rākṣasam prekṣya rāghavaḥ ।
dhanuṣā pratijagrāha vidhunvan sāyakān śitān ॥

sa saṁprahāraḥ tumulo rāma triśirasoḥ tadā ।
saṁbabhūva atīva balinoḥ siṁha kuṁ~jarayoḥ iva ॥

tataḥ triśirasā bāṇaiḥ lalāṭe tāḍitaḥ tribhiḥ ।
amarṣī kupito rāmaḥ saṁrabdham idam abravīt ॥

aho vikrama śūrasya rākṣasasya īdṛśam balam ।
puṣpaiḥ iva śaraiḥ yasya lalāṭe asmi parikṣataḥ ॥

mama api pratigṛhṇīṣva śarān cāpa guṇa cyutān ।
evam uktvā susaṁrabdhaḥ śarān āśīviṣa upamān ॥

triśiro vakṣasi kruddho nijaghāna catur daśa ।
caturbhiḥ turagān asya śaraiḥ saṁnata parvābhiḥ ॥

nyapātayata tejasvī caturaḥ tasya vājinaḥ ।
aṣṭabhiḥ sāyakaiḥ sūtam ratha upasthe nyapātayat ॥

rāmaḥ ciccheda bāṇena dhvajam ca asya samucchritam ।
tato hata rathāt tasmāt utpataṁtam niśācaram ॥

ciccheda rāmaḥ tam bāṇaiḥ hṛdaye so abhavat jaḍaḥ ।
sāyakaiḥ ca aprameya ātmā sāmarṣaḥ tasya rakṣasaḥ ॥

śirāṁsi apātayat trīṇi vegavadbhiḥ tribhiḥ śataiḥ ।
sa dhūma śoṇita udgārī rāma bāṇa abhipīḍitaḥ ॥

nyapatat patitaiḥ pūrvam samarastho niśācaraḥ ।
hata śeṣāḥ tato bhagnā rākṣasāḥ khara saṁśrayāḥ ॥

dravanti sma na tiṣṭhanti vyāghra trastā mṛgā iva ।
tān kharo dravato dṛṣṭvā nivartya ruṣitaḥ tvaran ।
rāmam eva abhidudrāva rāhuḥ candramasam yathā ॥