अरण्यकाण्डम्Araṇya Kāṇḍa

dūṣaṇaḥ tu svakam sainyam hanyamānam vilokya ca ।
saṁdideśa mahābāhuḥ bhīma vegān niśācarān ॥

rākṣasān paṁca sāhasrān samareṣu anivartinaḥ ।
te śūlaiḥ paṭṭiśaiḥ kadagaiḥ śilā varaṣaiḥ drumaiḥ ॥

śara varṣaiḥ vicchinnam vavarṣuḥ tam samantataḥ ।
tat drumāṇām śilānām ca varṣam prāṇa haram mahat ॥

pratijagrāha dharmātmā rāghavaḥ tīkṣṇa sāyakaiḥ ।
pratigṛhya ca tad varṣam nimīlita iva ṛṣabhaḥ ॥

rāmaḥ krodham param lebhe vadha artham sarva rakṣasām ।
tataḥ krodha samāviṣṭaḥ pradīpta iva tejasā ॥

śaraiḥ abhyakirat sainyam sarvataḥ saha dūṣaṇam ।
tataḥ senā patiḥ kruddho dūṣaṇaḥ śatru dūṣaṇaḥ ॥

śaraiḥ aśani kalpaiḥ tam rāghavam samavārayat ।
tato rāmaḥ saṁkruddhaḥ kṣureṇa asya mahat dhanuḥ ॥

ciccheda samare vīraḥ caturbhiḥ caturo hayān ।
hatvā ca aśvān śaraiḥ tīkṣṇaiḥ artha candreṇa sārathe ॥

śiro jahāra tad rakṣaḥ tribhir vivyādha vakṣasi ।
sa cchinna dhanvā viratho hata aśvo hata sārathiḥ ॥

jagrāha giri śṛṁga ābham parigham roma harṣaṇam ।
veṣṭitam kāṁcanaiḥ paṭṭaiḥ deva sainya abhimardanam ॥

āyasaiḥ śaṁkubhiḥ tīkṣṇaiḥ kīrṇam para vasā ukṣitām ।
vajra aśani sama sparśam para gopura dāraṇam ॥

tam mahā uraga saṁkāśam pragṛhya parigham raṇe ।
dūṣaṇo abhyapatat rāmam krūra karmā niśācaraḥ ॥

tasya abhipatamānasya dūṣaṇasya sa rāghavaḥ ।
dvābhyām śarābhyām ciccheda sa hasta ābharaṇau bhujau ॥

bhraṣṭaḥ tasya mahākāyaḥ papāta raṇa mūrdhani ।
parighaḥ chinna hastasya śakra dhvaja iva agrataḥ ॥

karābhyām ca vikīrṇābhyām papāta bhuvi dūṣaṇaḥ ।
viṣāṇābhyām viśīrṇābhyām manasvī iva mahāgajaḥ ॥

dṛṣṭvā tam patitam bhūmau dūṣaṇam nihatam raṇe ।
sādhu sādhu iti kākutstham sarva bhūtāni apūjayan ॥

etasmin antare kruddhāḥ trayaḥ senā agra yāyinaḥ ।
saṁhatya abhyadravan rāmam mṛtyu pāśa avapāśitāḥ ॥

mahākapālaḥ sthūlākṣaḥ pramāthī ca mahābalaḥ ।
mahākapālo vipulam śūlam udyamya rākṣasaḥ ॥

sthūlākṣaḥ paṭṭiśam gṛhya pramāthī ca paraśvadham ।
dṛṣṭvā eva āpatataḥ tām tu rāghavaḥ sāyakaiḥ śitaiḥ ॥

tīkṣṇa agraiḥ pratijagrāha saṁprāptān atithīn iva ।
mahākapālasya śiraḥ ciccheda raghunaṁdanaḥ ॥

asaṁkhyeyaiḥ tu bāṇa oghaiḥ pramamātha pramāthinam ।
sthūlākṣasya akṣiṇī sthūle pūrayāmāsa sāyakaiḥ ॥

sa papāta hato bhūmau viṭapī iva mahādrumaḥ ।
dūṣaṇasya anugān paṁca sahasrān kupitaḥ kṣaṇāt ॥

hatvā tu paṁca sahasrān anayat yama sadanam ।
dūṣaṇam nihatam śrutvā tasya ca eva padānugān ॥

vyādideśa kharaḥ kruddho sena adhyakṣān mahābalān ।
ayam vinihataḥ saṁkhye dūṣaṇaḥ sa padānugāḥ ॥

mahatyā senayā sārdham yuddhvā rāmam kumānuṣam ।
śastraiḥ nānā vidha akāraiḥ hanadhvam sarva rākṣasāḥ ॥

evam uktvā kharaḥ kruddho rāmam eva abhi dudruve ।
śyenagāmī pṛthugrīvo yajñaśatrur vihaṁgamaḥ ॥

durjayaḥ karavīrākṣaḥ paruṣaḥ kālakārmukaḥ ।
hemamālī mahāmālī sarpasyo rudhirāśanaḥ ॥

dvādaśa ete mahāvīryā bala adhyakṣāḥ ।
sa sainikāḥramam eva abhyadhāvaṁta visṛjaṁtaḥ śarottamān ॥

tataḥ pāvaka saṁkāśaiḥ hema vajra vibhūṣitaiḥ ।
jaghana śeṣam tejasvī tasya sainyasya sāyakaiḥ ॥

te rukma puṁkhā viśikhāḥ sa dhūmā iva pāvakāḥ ।
nijaghnuḥ tāni rakṣāṁsi vajrā iva mahādrumān ॥

rakṣasām tu śatam rāmaḥ śatena ekena karṇinā ।
sahasram tu sahasreṇa jaghāna raṇa mūrdhani ॥

taiḥ bhinna varma ābharaṇāḥ chinna bhinna śara āsanāḥ ।
nipetuḥ śoṇita ādigdhā dharaṇyām rajanīcarāḥ ॥

taiḥ mukta keśaiḥ samare patitaiḥ śoṇita ukṣitaiḥ ।
vistīrṇā vasudhā kṛtsnā mahāvediḥ kuśaiḥ iva ॥

tat kṣaṇe tu mahā ghoram vanam nihata rākṣasam ।
babhūva niraya prakhyam māṁsa śoṇita kardamam ॥

caturdaśa sahasrāṇi rakṣasām bhīma karmaṇām ।
hatāni ekena rāmeṇa mānuṣeṇa padātinā ॥

tasya sainyasya sarvasya kharaḥ śeṣo mahārathaḥ ।
rākṣasaḥ triśirāḥ caiva rāmaḥ ca ripusūdanaḥ ॥

śeṣā hatā mahāvīryā rākṣasā raṇa mūrdhani ।
ghorā durviṣahāḥ sarve lakṣmaṇasya agrajena ॥

tataḥ tu tad bhīma balam mahā āhavesamīkṣya rāmeṇa hatam balīyasā ।
rathena rāmam mahatā kharaḥ tataḥsamāsasāda indra iva udyata aśaniḥ ॥