अरण्यकाण्डम्Araṇya Kāṇḍa

avaṣṭabdha dhanum rāmam kruddham ca ripu ghātinam ।
dadarśa āśramam āgamya kharaḥ saha puraḥsaraiḥ ॥

tam dṛṣṭvā saguṇam cāpam udyamya khara niḥsvanam ।
rāmasya abhimukham sūtam codyatām iti acodayat ॥

sa kharasya ājñayā sūtaḥ turagān samacodayat ।
yatra rāmo mahābāhuḥ eko dhunvan dhanuḥ sthitaḥ ॥

tam tu niṣpatitam dṛṣṭvā sarve te rajanī carāḥ ।
muṁcamānā mahānādam sacivāḥ paryavārayan ॥

sa teṣām yātudhānānām madhye rathaḥ gataḥ kharaḥ ।
babhūva madhye tārāṇām lohitāṁga iva uditaḥ ॥

tataḥ śara sahasrena rāmam apratima ojasam ।
ardayitvāa mahānādam nanāda samare kharaḥ ॥

tataḥ tam bhīma dhanvānam kruddhāḥ sarve niśācarāḥ ।
rāmam nānā vidhaiḥ śastraiḥ abhyavarṣanta durjayam ॥

mudgaraiḥ āyasaiḥ śūlaiḥ prāsaiḥ khaḍgaiḥ paraśvadhaiḥ ।
rākṣasāḥ samare rāmam nijaghnū roṣa tatparāḥ ॥

te valāhaka saṁkāśā mahākāyā mahābalāḥ ।
abhyadhāvanta kākutstham rathaiḥ vājibhiḥ eva ca ॥

gajaiḥ parvata kūṭa abhaiḥ rāmam yuddhe jiṁghāsavaḥ ।
te rāme śara varṣāṇi vyasṛjan rakṣasām gaṇāḥ ॥

śailendram iva dhārābhir varṣamāṇā mahādhanāḥ ।
sarvaiḥ parivṛto rāmo rākṣasaiḥ kṝradarśinaiḥ ॥

tithiṣu iva mahādevo vṛtaḥ pāriṣadām gaṇaiḥ ।
tāni muktāni śastrāṇi yātudhānaiḥ sa rāghavaḥ ॥

pratijagrāha viśikhaiḥ nadi oghān iva sāgaraḥ ।
sa taiḥ praharaṇaiḥ ghoraiḥ bhinna gātro na vivyathe ॥

rāmaḥ pradīptair bahubhir vajrair iva mahā acalaḥ ।
sa viddhaḥ kṣataja digdhaḥ sarva gātreṣu rāghavaḥ ॥

babhūva rāmaḥ sandhya abhraiḥ divākara iva āvṛtaḥ ।
viṣedur deva gandharvāḥ siddhāḥ ca parama ṛṣayaḥ ॥

ekam sahasraiḥ bahubhiḥ tadā dṛṣṭvā samāvṛtam ।
tato rāmaḥ tu susaṁkruddho maṇḍalī kṛta kārmukaḥ ॥

sasarja niśitān bāṇān śataśaḥ atha sahasraśaḥ ।
duravārān durviṣahān kālapāśa upamān raṇe ॥

mumoca līlayā rāmaḥ kaṁkapatrān kāṁcana bhūṣaṇān ।
te śarāḥ śatru sainyeṣu muktā rāmeṇa līlayā ॥

ādadū rakṣasām prāṇān pāśāḥ kālakṛtā iva ।
bhittvā rākṣasa dehān tām te śarā rudhira āplutāḥ ॥

aṁtarikṣa gatā rejuḥ dīpta agni sama tejasaḥ ।
asaṁkhyeyāḥ tu rāmasya sāyakāḥ cāpa maṇḍalāt ॥

viniṣpetuḥ atīva ugrā rakṣaḥ prāṇa apahāriṇaḥ ।
taiḥ dhanūṁṣi dhvaja agrāṇi carmāṇi ca śirāṁsi ca ॥

bahūn sa hasta ābharaṇān ūrūn kari kara upamān ।
cicheda rāmaḥ samare śataśaḥ atha sahasraśaḥ ॥

hayān kāṁcana sannāhān ratha yuktān sa sārathīn ।
gajām ca sa gaja ārohān sa hayān sāradhinaḥ tadā ॥

cichiduḥ bibhiduḥ ca eva rāma bāṇā guṇa cyutāḥ ।
padātīn samare hatvā hi anayat yama sadanam ॥

tato nālīka nārācaiḥ tīkṣṇa agraiḥ vikarṇibhiḥ ।
bhīmam ārta svaram cakruḥ chidyamānā niśācarāḥ ॥

tat sainyam niśitaiḥ bāṇaiḥ arditam marma bhedibhiḥ ।
na rāmeṇa sukham lebhe śuṣkam vanam iva agninā ॥

kecid bhīma balāḥ śūrāḥ prāsān śūlān paraśvadhān ।
cikṣipuḥ parama kruddhā rāmāya rajanīcarāḥ ॥

teṣām bāṇaiḥ mahābāhuḥ śastrāṇi āvārya vīryavān ।
jahāra samare prāṇān ciccheda ca śiro dharān ॥

te chinna śirasaḥ petuḥ chinna carma śarāsanāḥ ।
suparṇa vāta vikṣiptā jagatyām pādapā yathā ॥

avaśiṣṭāḥ ca ye tatra viṣaṇṇāḥ te niśācarāḥ ।
kharam eva abhyadhāvanta śaraṇārtham śara āhatāḥ ॥

tān sarvān dhanur ādāya samāśvāsya ca dūṣaṇaḥ ।
abhyadhāvata susaṁkruddhaḥ kruddhaḥ [rudram] kruddha iva antakaḥ ॥

nivṛttāḥ tu punaḥ sarve dūṣaṇa āśraya nirbhayāḥ ।
rāmam eva abhyadhāvanta sāla tāla śila āyudhāḥ ॥

śūla mudgara hastāḥ ca pāśa hastā mahābalāḥ ।
sṛjantaḥ śara varṣāṇi śastra varṣāṇi saṁyuge ॥

druma varṣāṇi muṁcantaḥ śilā varṣāṇi rākṣasāḥ ।
tad babhūva adbhutam yuddham tumulam roma harṣaṇam ॥

rāmasya asya mahāghoram punaḥ teṣām ca rakṣasām ।
te samantāt abhikruddhā rāghavam punar ārdayan ॥

tataḥ sarvā diśo dṛṣṭvā pradiśāḥ ca samāvṛtāḥ ।
rākṣasaiḥ sarvataḥ prāptaiḥ śara varṣābhiḥ āvṛtaḥ ॥

sa kṛtvā bhairavam nādam astram parama bhāsvaram ।
samayojayat gāndharvam rākṣaseṣu mahābalaḥ ॥

tataḥ śara sahasrāṇi niryayuḥ cāpa maṇḍalāt ।
sarvā daśa diśo bānaiḥ āpūryanta samāgataiḥ ॥

na ādadānām śarān ghorān vimuṁcaṁtam śara uttamān ।
vikarṣamāṇam paśyanti rākṣasāḥ te śara ārditāḥ ॥

śara andhakāram ākāśam āvṛṇot sa divākaram ।
babhūva avasthito rāmaḥ prakṣipan iva tān śarān ॥

yugapat patamānaiḥ ca yugapacca hataiḥ bhriśam ।
yugapat patitaiḥ caiva vikīrṇā vasudhā abhavat ॥

nihatāḥ patitāḥ kṣīṇā cchinna bhinna vidāritāḥ ।
tatra tatra sma dṛśyante rākṣasāḥ te sahasraśaḥ ॥

sa uṣṇīṣaiḥ uttama angaiḥ ca sa aṁgadaiḥ bāhubhiḥ tathā ।
ūrubhiḥ bāhubhiḥ cchinnaiḥ nānā rūpaiḥ vibhūṣaṇaiḥ ॥

hayaiḥ ca dvipa mukhyaiḥ ca rathaiḥ bhinnaiḥ anekaśaḥ ।
cāmara vyajanaiḥ chatraiḥ dhvajaiḥ nānā vidhaiḥ api ॥

rāmeṇa bāṇa abhihataiḥ vicchinnaiḥ śūla paṭṭiśaiḥ ।
khaḍgaiḥ khaṇḍīkṛtaiḥ prāsaiḥ vikīrṇaiḥ ca paśvadhaiḥ ॥

cūṇitābhiḥ śilābhiḥ ca śaraiḥ citraiḥ anekaśaḥ ।
vicchinnaiḥ samare bhūmiḥ vistīrṇā ābhūt bhayaṁkarā ॥

tān dṛṣṭvā nihatān sarve rakṣasāḥ parama āturāḥ ।
na tatra calitum śaktā rāmam para puraṁjayam ॥