अरण्यकाण्डम्Araṇya Kāṇḍa

vasataḥ tasya tu sukham rāghavasya mahātmanaḥ ।
śarad vyapāye hemaṁtaṛtur iṣṭaḥ pravartata ॥

sa kadācit prabhātāyām śarvaryām raghunaṁdanaḥ ।
prayayāva abhiṣekārtham ramyam godāvarīm nadīm ॥

prahvaḥ kalaśa hasataḥ tam sītayā saha vīryavān ।
pṛṣṭhato anuvrajan bhrātā saumitrir idam abravīt ॥

ayam sa kālaḥ saṁprāptaḥ priyo yaḥ te priyaṁvada ।
alaṁkṛta iva ābhāti yena saṁvatsaraḥ śubhaḥ ॥

nīhāra paruṣo lokaḥ pṛthivī sasya mālinī ।
jalāni anupabhogyāni subhago havya vāhanaḥ ॥

nava āgrayaṇa pūjābhir abhyarcya pitṛ devatāḥ ।
kṛta āgrayaṇakāḥ kāle santo vigata kalmaṣāḥ ॥

prājyakāmā janapadāḥ saṁpannatara go rasāḥ ।
vicaranti mahīpālā yātra artham vijigīṣavaḥ ॥

sevamāne dṛḍham sūrye diśam antaka sevitām ।
vihīna tilakā iva strī na uttarā dik prakāśate ॥

prakṛtyā hima kośa āḍhyo dūra sūryāḥ ca sāṁpratam ।
yathārtha nāmā suvyaktam himavān himavān giriḥ ॥

atyanta sukha saṁcārā madhyāhne sparśataḥ sukhāḥ ।
divasāḥ subhaga ādityāaḥ chāyā salila durbhagāḥ ॥

mṛdu sūryāḥ sanīhārāḥ paṭu śītāḥ samārutāḥ ।
śūnya araṇyā hima dhvastā divasā bhānti sāmpratam ॥

nivṛtta ākāśa śayanāḥ puṣyanītā hima aruṇāḥ ।
śītā vṛddhatara āyāmaḥ tri yāmā yānti sāṁpratam ॥

ravi saṁkrānta saubhāgyaḥ tuṣāra aruṇa maṇḍalaḥ ।
niḥśvāsa andha iva ādarśāḥ caṁdramā na prakāśate ॥

jyotsnā tuṣāra malinā paurṇamāsyām na rājate ।
sītā iva ca ātapa śyāmā lakṣyate na tu śobhate ॥

prakṛtyā śītala sparśo hima viddhāḥ ca sāṁpratam ।
pravāti paścimo vāyuḥ kāle dvi guṇa śītalaḥ ॥

bāṣpa cchannāni araṇyāni yava godhūmavaṁti ca ।
śobhante abhyudite sūrye nadadbhiḥ kraunca sārasaiḥ ॥

kharjūra puṣpa ākṛtibhiḥ śirobhiḥ pūrṇa taṇḍulaiḥ ।
śobhante kiṁcid ālaṁbāḥ śālayaḥ kanaka prabhāḥ ॥

mayūkhaiḥ upasarpadbhiḥ hima nīhāra saṁvṛtaiḥ ।
dūram abhyuditaḥ sūryaḥ śaśāṁka iva lakṣyate ॥

agrāhya vīryaḥ pūrvāhṇe madhyāhne sparśataḥ sukhaḥ ।
saṁraktaḥ kiṁcid āpāṇḍuḥ ātapaḥ śobhate kṣitau ॥

avaśyāya nipātena kiṁcit praklinna śādvalā ।
vanānām śobhate bhūmir niviṣṭa taruṇa ātapā ॥

spṛśan tu suvipulam śītam udakam dviradaḥ sukham ।
atyanta tṛṣito vanyaḥ pratisaṁharate karam ॥

ete hi samupāsīnā vihagā jalacāriṇaḥ ।
na avagāhanti salilam apragalbhā iva āvaham ॥

avaśyāya tamo naddhā nīhāra tamasā āvṛtāḥ ।
prasuptā iva lakṣyante vipuṣpā vana rājayaḥ ॥

bāṣpa saṁcanna salilā ruta vijñeya sārasāḥ ।
himāardra vālukaiḥ tīraiḥ sarito bhānti sāṁpratam ॥

tuṣāra patanāt caiva mṛdutvāt bhāskarasya ca ।
śaityāt aga agrastham api prāyeṇa rasavat jalam ॥

jarā jarjaritaiḥ patraiḥ śīrṇa kesara karṇikaiḥ ।
nāla śeṣā hima dhvastā na bhānti kamalākarāḥ ॥

asmin tu puruṣavyāghra kāle duḥkha samanvitaḥ ।
tapaścarati dharmātmā tvat bhaktyā bharataḥ pure ॥

tyaktvā rājyam ca mānam ca bhogāṁśca vividhān bahūn ।
tapasvī niyatāhāraḥ śete śīte mahītale ॥

so'pi velām imām nūnam abhiṣeka artham udyataḥ ।
vṛtaḥ prakṛtibhir nityam prayāti sarayūm nadīm ॥

atyanta sukha saṁvṛddhaḥ sukumāro himārditaḥ ।
katham tu apara rātreṣu sarayūm avagāhate ॥

padmapatrekṣaṇaḥ śyāmaḥ śrīmān nirudaro mahān ।
dharmajñaḥ satyavādī ca hrī niṣedho jitendriyaḥ ॥

priyābhibhāṣī madhuro dīrghabāhuḥ arindamaḥ ।
saṁtyajya vividhān bhogān āryam sarvātmanā āśritaḥ ॥

jitaḥ svargaḥ tava bhrātrā bharatena mahātmanā ।
vanastham api tāpasye yaḥ tvām anuvidhīyate ॥

na pitryam anuvarntante mātṛkam dvipadā iti ।
khyāto loka pravādo ayam bharatena anyathā kṛtaḥ ॥

bhartā daśaratho yasyāḥ sādhuḥ ca bharataḥ sutaḥ ।
katham nu sā ambā kaikeyī tādṛśī krūradarśinī ॥

iti evam lakṣmaṇe vākyam snehāt vadati dharmike ।
parivādam jananyaḥ tam asahan rāghavo abravīt ॥

na te ambā madhyamā tāta garhitavyā kathaṁcana ।
tām eva ikṣvāku nāthasya bharatasya kathām kuru ॥

niścitā eva hi me buddhiḥ vana vāse dṛḍha vratā ।
bharata sneha saṁtaptā bāliśī kriyate punaḥ ॥

saṁsmarāmi asya vākyāni priyāṇi madhurāṇi ca ।
hṛdyāni amṛta kalpāni manaḥ prahlādāni ca ॥

kadā hi aham sameṣyāmi bharatena mahātmanā ।
śatrughnena ca vīreṇa tvayā ca raghunaṁdana ॥

iti evam vilapan tatra prāpya godāvarīm nadīm ।
cakre abhiṣekam kākutsthaḥ sānujaḥ saha sītayā ॥

tarpayitvā atha salilaiḥ taiḥ pitṝn daivatāni ca ।
stuvanti sma uditam sūryam devatāaḥ ca tathā anaghāḥ ॥

kṛtābhiṣekaḥ sa rarāja rāmaḥ sītā dvitīyaḥ saha lakṣmaṇena ।
kṛta abhiṣeko tu aga rāja putryā rudraḥ sa nandiḥ bhagavān iva īśaḥ ॥