अरण्यकाण्डम्Araṇya Kāṇḍa

tataḥ paṁcavaṭīm gatvā nānā vyāla mṛgāyutām ।
uvāca bhrātaram rāmo lakṣmaṇam dīpta tejasam ॥

āgatāḥ sma yathā uddiṣṭam yam deśam muniḥ abravīt ।
ayam paṁcavaṭī deśaḥ saumya puṣpita kānanaḥ ॥

sarvataḥ cāryatām dṛṣṭiḥ kānane nipuṇo hi asi ।
āśramaḥ katara asmin naḥ deśe bhavati sammataḥ ॥

ramate yatra vaidehī tvam aham caiva lakṣmaṇa ।
tādṛśo dṛśyatām deśaḥ saṁnikṛṣṭa jalāśayaḥ ॥

vana rāmaṇyakam yatra jala rāmaṇyakam tathā ।
saṁnikṛṣṭam ca yasmin tu samit puṣpa kuśa udakam ॥

evam uktaḥ tu rāmeṇa lakmaṇaḥ saṁyata aṁjaliḥ ।
sītā samakṣam kākutstham idam vacanam abravīt ॥

paravān asmi kākutstha tvayi varṣa śatam sthite ।
svayam tu rucire deśe kriyatām iti mām vada ॥

suprītaḥ tena vākyena lakṣmaṇasya mahādyutiḥ ।
vimṛśan rocayāmāsa deśam sarva guṇa anvitam ॥

sa tam ruciram ākramya deśam āśrama karmaṇi ।
haste gṛhītvā hastena rāmaḥ saumitrim abravīt ॥

ayam deśaḥ samaḥ śrīmān puṣpitair tarubhir vṛtaḥ ।
iha āśrama padam saumya yathāvat kartum arhasi ॥

iyam āditya saṁkāśaiḥ padmaiḥ surabhi gaṁdhibhiḥ ।
adūre dṛśyate ramyā padminī padma śobhitā ॥

yathā ākhyātam agastyena muninā bhāvitātmanā ।
iyam godāvarī ramyā puṣpitaiḥ tarubhir vṛtā ॥

haṁsa kāraṇḍava ākīrṇā cakravāka upaśobhitā ।
na atidūre na ca āsanne mṛga yūtha nipīḍitā ॥

mayūra nāditā ramyāḥ prāṁśavo bahu kaṁdarāḥ ।
dṛśyante girayaḥ saumya phullaiḥ tarubhir āvṛtāḥ ॥

sauvarṇai rājataiḥ tāmraiḥ deśe deśe ca dhātubhiḥ ।
gavākṣitā iva ābhānti gajāḥ parama bhaktibhiḥ ॥

sālaiḥ tālaiḥ tamālaiḥ ca kharjūraiḥ panasaiḥ drumaiḥ ।
nīvāraiḥ tiniśaiḥ caiva punnāgaiḥ ca upaśobhitāḥ ॥

cūtair aśokaiḥ tilakaiḥ ketakair api caṁpakaiḥ ।
puṣpa gulma latā upetaiḥ taiḥ taiḥ tarubhir āvṛtāḥ ॥

syandanaiḥ caṁdanaiḥ nīpaiḥ parṇāsaiḥ lakucaiḥ api ।
dhava aśvakarṇa khadiraiḥ śamī kiṁśuka pāṭalaiḥ ॥

idam puṇyam idam ramyam idam bahu mṛga dvijam ।
iha vatsyāma saumitre sārdham etena pakṣiṇā ॥

evam uktaḥ tu rāmeṇa lakṣmaṇaḥ paravīrahā ।
acireṇa āśramam bhrātuḥ cakāra sumahābalaḥ ॥

parṇaśālām suvipulām tatra saṁghāta mṛttikām ।
sustaṁbhām maskarair dīrghaiḥ kṛta vaṁśām suśobhanām ॥

śamī śākhābhiḥ āstīrya dhṛḍha pāśāvapāśitam ।
kuśa kāśa śaraiḥ parṇaiḥ suparicchāditām tathā ॥

samīkṛta talām ramyām cakāra sumahābalaḥ ।
nivāsam rāghavasya arthe prekṣṇīyam anuttamam ॥

sa gatvā lakṣmaṇaḥ śrīmān nadīm godāvarīm tadā ।
snātvā padmāni ca ādāya saphalaḥ punar āgataḥ ॥

tataḥ puṣpa balim kṛtvā śāntim ca sa yathāvidhi ।
darśayāmāsa rāmāya tad āśrama padam kṛtam ॥

sa tam dṛṣṭvā kṛtam saumyam āśramam saha sītayā ।
rāghavaḥ parṇaśālāyām harṣam āhārayat param ॥

susaṁhṛṣṭaḥ pariṣvajya bāhubhyām lakṣmaṇam tadā ।
ati snigdham ca gāḍham ca vacanam ca idam abravīt ॥

prīto asmi te mahat karma tvayā kṛtam idam prabho ।
pradeyo yan nimittam te pariṣvaṁgo mayā kṛtaḥ ॥

bhāvajñena kṛtajñena dharmajñena ca lakṣmaṇa ।
tvayā putreṇa dharmātmā na saṁvṛttaḥ pitā mama ॥

evam lakṣmaṇam uktvā tu rāghavo lakṣmivardhanaḥ ।
tasmin deśe bahu phale nyavasat sa sukham sukhī ॥