अरण्यकाण्डम्Araṇya Kāṇḍa

sa praviśya āśrama padam lakṣmaṇo rāghava anujaḥ ।
agastya śiṣyam āsādya vākyam etad uvāca ha ॥

rājā daśaratho nāma jyeṣṭhaḥ tasya suto balī ।
rāmaḥ prāpto munim draṣṭum bhāryayā saha sītayā ॥

lakṣmaṇo nāma tasya aham bhrātā tu avarajo hitaḥ ।
anukūlaḥ ca bhaktaḥ ca yadi te śrotram āgataḥ ॥

te vayam vanam atyugram praviṣṭāḥ pitṛ śāsanāt ।
draṣṭum icchāmahe sarve bhagavantam nivedyatām ॥

tasya tad vacanam śrutvā lakṣmaṇasya tapodhanaḥ ।
tathā iti uktvā agni śaraṇam praviveśa niveditum ॥

sa praviśya muniśreṣṭham tapasā duṣpradharṣaṇam ।
kṛta aṁjaliḥ uvāca idam rāma āgamanam añjasā ॥

yathā uktam lakṣmaṇena eva śiṣyaḥ tasya agastasya saṁmataḥ ।
putrau daśarathasya imau rāmo lakṣmaṇa eva ca ॥

praviṣṭau āśramapadam sītayā saha bhāryayā ।
draṣṭum bhavantam āyātau śuśrūṣārtham arindamau ॥

yad atra anaṁtaram tat tvam ājñāpayitum arhasi ।
tataḥ śiṣyāt upaśrutya prāptam rāmam sa lakṣmaṇam ॥

vaidehīm ca mahābhāgām idam vacanam abravīt ।
diṣṭyā rāmaḥ cirasya adya draṣṭum mām samupāgataḥ ॥

manasā kāṁkṣitam hi asya mayā api āgamanam prati ।
gamyatām satkṛto rāmaḥ sa bhāryaḥ saha lakṣmaṇaḥ ॥

praveśyatām samīpam me kim asau na praveśitaḥ ।
evam uktaḥ tu muninā dharmajñena mahātmanā ॥

abhivādya abravīt śiṣyaḥ tathā iti niyata aṁjaliḥ ।
tadā niṣkramya saṁbhrāntaḥ śiṣyo lakṣmaṇam abravīt ॥

kva asau rāmo munim draṣṭum etu praviśatu svayam ।
tato gatvā āśrama padam śiṣyeṇa saha lakṣmaṇaḥ ॥

darśayāmāsa kākutstham sītām ca janakātmajām ।
tam śiṣyaḥ praśritam vākyam agastya vacanam bruvan ॥

prāveśayat yathā nyāyam satkāra arha susatkṛtam ।
praviveśa tato rāmaḥ sītayā saha lakṣmaṇaḥ ॥

praśānta hariṇa ākīrṇam āśramam hi avalokayan ।
sa tatra brahmaṇaḥ sthānam agneḥ sthānam tathaiva ca ॥

viṣṇoḥ sthānam mahendrasya sthānam caiva vivasvataḥ ।
soma sthānam bhaga sthānam sthānam kauberam eva ca ॥

dhātur vidhātuḥ sthānam ca vāyoḥ sthānam tathaiva ca ।
sthānam ca pāśa hastasya vāruṇasya mahātmanaḥ ॥

sthānam tathaiva gāyatryā vasūnām sthānam eva ca ।
sthānam ca nāgarājasya garuḍa sthānam eva ca ॥

kārtikeyasya ca sthānam dharma sthānam ca paśyati ।
tataḥ śiṣyaiḥ parivṛto munir api abhiniṣpatat ॥

tam dadarśa agrato rāmo munīnām dīpta tejasam ।
abravīt vacanam vīro lakṣmaṇam lakṣmivardhanam ॥

bahir lakṣmaṇa niṣkrāmati agastyo bhagavān ṛṣiḥ ।
audāryeṇa avagacchāmi nidhānam tapasām imam ॥

evam uktvā mahābāhuḥ agastyam sūrya varcasam ।
jagrāha āpatat tasya pādau ca raghunandana ॥

abhivādya tu dharmātmā tasthau rāmaḥ kṛtāṁjaliḥ ।
sītayā saha vaidehyā tadā rāmaḥ sa lakṣmaṇaḥ ॥

pratigṛhya ca kākutstham arcayitvā āsana udakaiḥ ।
kuśala praśnam uktvā ca āsyatām iti so'bravīt ॥

agnim hutvā pradāya arghyam atithin pratipūjya ca ।
vānaprasthena dharmeṇa sa teṣām bhojanam dadau ॥

prathamam ca upaviśya atha dharmajño munipuṁgavaḥ ।
uvāca rāmam āsīnam prāṁjalim dharmakovidam ॥

agnim hutvā pradāya arghyam atithim pratipūjayet ।
anyathā khalu kākutstha tapasvī samudācaran ।
duḥsākṣī iva pare loke svāni māṁsāni bhakṣayet ॥

rājā sarvasya lokasya dharmacārī mahārathaḥ ।
pūjanīyaḥ ca mānyaḥ ca bhavān prāptaḥ priya atithiḥ ॥

evam uktvā phalaiḥ mūlaiḥ puṣpaiḥ ca anyaiḥ ca rāghavam ।
pūjayitvā yathā kāmam tato agastyaḥ tam abravīt ॥

idam divyam mahat cāpam hema vajra vibhūṣitam ।
vaiṣṇavam puruṣavyāghra nirmitam viśvakarmaṇā ॥

amoghaḥ sūrya saṁkāśo brahmadattaḥ śara uttamaḥ ।
datto mama mahendreṇa tūṇī ca akṣaya sāyakau ॥

saṁpūrṇau niśitaiḥ bāṇaiḥ jvaladbhiḥ iva pāvakaiḥ ।
mahā rajata kośo ayam asiḥ hemavibhūṣitaḥ ॥

anena dhanuṣā rāma hatvā saṁkhye mahāsurān ।
ājahāra śriyam dīptām purā viṣṇur diva okasām ॥

tat dhanuḥ tau ca tūṇi ca śaram khaḍgam ca mānada ।
jayāya pratigṛhṇīṣva vajram vajradharo yathā ॥

evam uktvā mahā tejāḥ samastam tat vara āyudham ।
dattvā rāmāya bhagavān agastyaḥ punar abravīt ॥