अयोध्याकाण्डम्Ayodhyā Kāṇḍa

niviṣṭāyāṁ tu senāyāmutsuko bharatastadā ।
jagāma bhrātaraṁ draṣṭuṁ śatrudhnamanudarśayan ॥ 2.99.1॥ ॥

ṛṣiṁ vasiṣṭhaṁ sandiśya māta'rme śīghramānaya ।
iti tvaritamagre sa jagāma guruvatsala: ॥ 2.99.2॥ ॥

sumantrastvapi śatrughnamadūrādanvapadyata ।
rāmadarśanajastarṣo bharatasyeva tasya ca ॥ 2.99.3॥ ॥

gacchannevātha bharatastāpasālayasaṁsthitām ।
bhrātu: parṇakuṭīṁ śrīmānuṭajaṁ ca dadarśa ha ॥ 2.99.4॥ ॥

śālāyāstvagratastasyā dadarśa bharatastadā ।
kāṣṭhāni cāvabhagnāni puṣpāṇyupacitāni ca ॥ 2.99.5॥ ॥

salakṣmaṇasya rāmasya dadarśāśramamīyuṣa: ।
kṛtaṁ vṛkṣeṣvabhijñānaṁ kuśacīrai: kvacit kvacit ॥ 2.99.6॥ ॥

dadarśa ca vane tasmin mahata: sañcayān kṛtān ।
mṛgāṇāṁ mahiṣāṇāṁ ca kaऺrīṣai: śītakāraṇāt ॥ 2.99.7॥ ॥

gacchanneva mahābāhurdyutimān bharatastadā ।
śatrughnaṁ cābravīddhṛṣṭastānamātyāṁśca sarvaśa: ॥ 2.99.8॥ ॥

manye prāptā: sma taṁ deśaṁ bharadvājo yamabravīt ।
nātidūre hi manye'haṁ nadīṁ mandākinīmita: ॥ 2.99.9॥ ॥

uccairbaddhāni cīrāṇi lakṣmaṇena bhavedayam ।
abhijñānakṛta: panthā vikāle gantumicchatā ॥ 2.99.10॥ ॥

idaṁ codāttadantānāṁ kuñjarāṇāṁ tarasvinām ।
śailapārśve parikrāntamanyonyamabhigarjatām ॥ 2.99.11॥ ॥

yamevādhātumicchanti tāpasā: satataṁ vane ।
tasyāsau dṛśyate dhūma: saṅkula: kṛṣṇavartmana: ॥ 2.99.12॥ ॥

atrāhaṁ puruṣavyāghraṁ gurusaṁskārakāriṇam ।
āryaṁ drakṣyāmi saṁhṛṣṭo maharṣimiva rāghavam ॥ 2.99.13॥ ॥

atha gatvā muhūrtaṁ tu citrakūṭaṁ sa rāghava: ।
mandākinīmanuprāptastaṁ janaṁ cedamabravīt ॥ 2.99.14॥ ॥

jagatyāṁ puruṣavyāghra āste vīrāsane rata: ।
janendro nirjanaṁ prāpya dhiṅme janma sajīvitam ॥ 2.99.15॥ ॥

matkṛte vyasanaṁ prāpto lokanātho mahādyuti: ।
sarvān kāmān parityajya vane vasati rāghava: ॥ 2.99.16॥ ॥

iti lokasamākruṣṭa: pādeṣvadya prasādayan ।
rāmasya nipatiṣyāmi sītāyā lakṣmaṇasya ca ॥ 2.99.17॥ ॥

evaṁ sa vilapaṁstasmin vane daśarathātmaja: ।
dadarśa mahatīṁ puṇyāṁ parṇaśālāṁ manoramām ॥ 2.99.18॥ ॥

sālatālāśvakarṇānāṁ parṇairbahubhirāvṛtām ।
viśālāṁ mṛdubhistīrṇāṁ kuśairvedimivādhvare ॥ 2.99.19॥ ॥

śakrāyudhanikāśaiśca kārmukairbhārasādhanai: ।
rukmapṛṣṭaṣṭhairmahāsārai: śobhitāṁ śatrubādhakai: ॥ 2.99.20॥ ॥

arkaraśmipratīkāśairghoraistūṇīgatai: śarai: ।
śobhitāṁ dīptavadanai: sarppairbhogavatīmiva ॥ 2.99.21॥ ॥

mahārajatavāsobhyāmasibhyāṁ ca virājitām ।
rukmabinduvicitrābhyāṁ carmabhyāṁ cāpi śobhitām ॥ 2.99.22॥ ॥

godhāṅgulitrairāsaktaiścitrai: kāñcanabhūṣitai: ।
arisaṅghairanādhṛṣyāṁ mṛgai: siṁhaguhāmiva ॥ 2.99.23॥ ॥

prāgudakpravaṇāṁ vediṁ viśālāṁ dīptapāvakām ।
dadarśa bharatastatra puṇyāṁ rāmaniveśane ॥ 2.99.24॥ ॥

nirīkṣya sa muhūrttaṁ tu dadarśa bharato guram ।
uṭaje rāmamāsīnaṁ jaṭāmaṇḍaladhāriṇam ॥ 2.99.25॥ ॥

taṁ tu kṛṣṇājinadharaṁ cīravalkalavāsasam ।
dadarśa rāmamāsīnamabhita: pāvakopamam ॥ 2.99.26॥ ॥

siṁhaskandhaṁ mahābāhuṁ puṇḍarīkanibhekṣaṇam ।
pṛthivyā: sāgarāntāyā bharttāraṁ dharmacāriṇam ॥ 2.99.27॥ ॥

upaviṣṭaṁ mahābāhuṁ brahmāṇamiva śāśvatam ।
sthaṇḍile darbhasaṁstīrṇe sītayā lakṣmaṇena ca ॥ 2.99.28॥ ॥

taṁ dṛṣṭvā bharata: śrīmān du:khaśokaparipluta: ।
abhyadhāvata dharmātmā bharata: kaikayīsuta: ॥ 2.99.29॥ ॥

dṛṣṭvaiva vilalāpārtto bāṣpasandigdhayā girā ।
aśaknuvan dhārayituṁ dhairyādvacanamabravīt ॥ 2.99.30॥ ॥

ya: saṁsadi prakṛtibhirbhavedyukta upāsitum ।
vanyairmṛgairupāsīna: so'yamāste mamāgraja: ॥ 2.99.31॥ ॥

vāsobhirbahusāhasrairyo mahātmā purocita: ।
mṛgājine so'yamiha pravaste dharmamācaran ॥ 2.99.32॥ ॥

adhārayadyo vividhāścitrā: sumanasastadā so'yaṁ jaṭābhāramimaṁ vahate rāghava: katham ॥ 2.99.33॥ ॥

yasya yajñairyathoddiṣṭairyukto dharmasya sañcaya: ।
śarīrakleśasambhūtaṁ sa dharmaṁ parimārgate ॥ 2.99.34॥ ॥

candanena mahārheṇa yasyāṅgamupasevitam ।
malena tasyāṅgamidaṁ kathamāryasya sevyate ॥ 2.99.35॥ ॥

mannimittamidaṁ du:khaṁ prāpto rāma: sukhocita: ।
dhigjīvitaṁ nṛśaṁsasya mama lokavigarhitam ॥ 2.99.36॥ ॥

ityevaṁ vilapan dīna: prasvinnamukhapaṅkaja: ।
pādāvaprāpya rāmasya papāta bharato rudan ॥ 2.99.37॥ ॥

du:khābhitapto bharato rājaputro mahābala: ।
uktvāryeti sakṛddīnaṁ punarnovāca kiñcana ॥ 2.99.38॥ ॥

bāṣpāpihitakaṇṭhaśca prekṣya rāmaṁ yaśasvinam ।
āryetyevātha saṁkruśya vyāharttuṁ nāśakattadā ॥ 2.99.39॥ ॥

śatrughnaścāpi rāmasya vavande caraṇau rudan ।
tāvubhau sa samāliṅgya rāmaścāśrūṇyavarttayat ॥ 2.99.40॥ ॥

tata: sumantreṇa guhena caiva samīyatū rājasutāvaraṇye ।
divākaraścaiva niśākaraśca yathāmbare śukrabṛhaspatibhyām ॥ 2.99.41॥ ॥

tān pārthivān vāraṇayūthapābhān samāgatāṁstatra mahatyaraṇye ।
vanaukasaste'pi samīkṣya sarvepyaśrūṇyamuñcan pravihāya harṣam ॥ 2.99.42 ॥ ॥