अयोध्याकाण्डम्Ayodhyā Kāṇḍa

jaṭilaṁ cīravasanaṁ prāñjaliṁ patitaṁ bhuvi ।
dadarśa rāmo durdarśaṁ yugānte bhāskaraṁ yathā ॥ 2.100.1॥ ॥

kathañcidabhivijñāya vivarṇavadanaṁ kṛśam ।
bhrātaraṁ bharataṁ rāma: parijagrāha bāhunā ॥ 2.100.2॥ ॥

āghrāya rāmastaṁ mūrdhni pariṣvajya ca rāghava: ।
aṅke bharatamāropya paryapṛcchat samāhitaḥ ॥ 2.100.3॥ ॥

kva nu te 'bhūt pitā tāta yadaraṇyaṁ tvamāgata: ।
na hi tvaṁ jīvatastasya vanamāgantumarhasi ॥ 2.100.4॥ ॥

cirasya bata paśyāmi dūrādbharatamāgatam ।
duṣpratīkamaraṇye 'smin kiṁ tāta vanamāgata: ॥ 2.100.5॥ ॥

kacciddhārayate tāta rājā yattvamihāgata: ।
kaccinna dīna: sahasā rājā lokāntaraṁ gata: ॥ 2.100.6॥ ॥

kaccit saumya na te rājyaṁ bhraṣṭaṁ bālasya śāśvatam ॥ 2.100.7॥ ॥

kaccicchuśrūṣase tāta pitaraṁ satyavikramam ॥ 2.100.8॥ ॥

kacciddaśaratho rājā kuśalī satyasaṅgara: ।
rājasūyāśvamedhānāmāharttā dharmaniścaya: ॥ 2.100.9॥ ॥

sa kaccid brāhmaṇo vidvān dharmanityo mahādyuti: ।
ikṣvākūṇāmupādhyāyo yathāvattāta pūjyate ॥ 2.100.10॥ ॥

sā tāta kaccitkausalyā sumitrā ca prajāvatī ।
sukhinī kaccidāryyā ca devī nandati kaikayī ॥ 2.100.11॥ ॥

kaccidvinayasampanna: kulaputro bahuśruta: ।
anasūyuranudraṣṭā satkṛtaste purohita: ॥ 2.100.12॥ ॥

kaccidagniṣu te yukto vidhijño matimānṛju: ।
hutaṁ ca hoṣyamāṇaṁ ca kāle vedayate sadā ॥ 2.100.13॥ ॥

kacciddevān pita'n māta'rgurūn pitṛsamānapi ।
vṛddhāṁśca tata vaidyāṁśca brāhmaṇāṁścābhimanyase ॥ 2.100.14॥ ॥

iṣvastravarasampannamarthaśāstraviśāradam ।
sudhanvānamupādhyāyaṁ kaccittvaṁ tāta manyase ॥ 2.100.15॥ ॥

kaccidātmasamā: śūrā: śrutavanto jitendriyā: ।
kulīnāśceṅgitajñāśca kṛtāste tāta mantriṇa: ॥ 2.100.16॥ ॥

mantro vijayamūlaṁ hi rājñāṁ bhavati rāghava ।
susaṁvṛto mantradharairamātyai: śāstrakovidai: ॥ 2.100.17॥ ॥

kaccinnidrāvaśaṁ naiṣī: kaccitkāle prabudhyase ।
kacciccāpararātreṣu cintayasyarthanaipuṇam ॥ 2.100.18॥ ॥

kaccinmantrayase naika: kaccinna bahubhi: saha ।
kaccitte mantrito mantro rāṣṭraṁ na paridhāvati ॥ 2.100.19॥ ॥

kaccidarthaṁ viniścitya laghumūlaṁ mahodayam ।
kṣipramārabhase karttuṁ na dīrghayasi rāghava ॥ 2.100.20॥ ॥

kaccitte sukṛtānyeva kṛtarūpāṇi vā puna: ।
viduste sarvakāryāṇi na karttavyāni pārthivā: ॥ 2.100.21॥ ॥

kaccinna tarkairyuktyā vā ye cāpyaparikīrtitā: ।
tvayā vā vā 'mātyairbudhyate tāta mantritam ॥ 2.100.22॥ ॥

kaccit sahasrān mūrkhāṇāmekamicchasi paṇḍitam ।
paṇḍito hyarthakṛcchreṣu kuryyānni:śreyasaṁ mahat ॥ 2.100.23॥ ॥

sahasrāṇyapi mūrkhāṇāṁ yadyupāste mahīpati: ।
athavāpyayutānyeva nāsti teṣu sahāyatā ॥ 2.100.24॥ ॥

ekopyamātyo medhāvī śūro dakṣo vicakṣaṇa: ।
rājānaṁ rājamātraṁ vā prāpayenmahatīṁ śriyam ॥ 2.100.25॥ ॥

kaccinmukhyā mahatsveva madhyameṣu ca madhyamā: ।
jaghanyāstu jaghanyeṣu bhṛtyā: karmasu yojitā: ॥ 2.100.26॥ ॥

amātyānupadhātītān pitṛpaitāmahāñchucīn ।
śreṣṭhān śreṣṭheṣu kaccittvaṁ niyojayasi karmasu ॥ 2.100.27॥ ॥

kaccinnogreṇa daṇḍena bhṛśamudvejitaprajam ।
rāṣṭraṁ tavānujānanti mantriṇa: kaikayīsuta ॥ 2.100.28॥ ॥

kaccittvāṁ nāvajānanti yājakā: patitaṁ yathā ।
ugrapratigrahītāraṁ kāmayānamiva striya: ॥ 2.100.29॥ ॥

upāyakuśalaṁ vaidyaṁ bhṛtyasandūṣaṇe ratam ।
śūramaiśvaryakāmaṁ ca yo na hanti sa vadhyate ॥ 2.100.30॥ ॥

kacciddhṛṣṭaśca śūraśca matimān dhṛtimāñchuci: ।
kulīnaścānuraktaśca dakṣa: senāpati: kṛta: ॥ 2.100.31॥ ॥

balavantaśca kaccitte mukhyā yuddhaviśāradā: ।
dṛṣṭāpadānā vikrāntāstvayā satkṛtya mānitā: ॥ 2.100.32॥ ॥

kaccidbalasya bhaktaṁ ca vetanaṁ ca yathocitam ।
samprāptakālaṁ dātavyaṁ dadāsi na vilambase ॥ 2.100.33॥ ॥

kālātikramaṇāccaiva bhaktavetanayorbhṛtā: ।
bharttu: kupyanti duṣyanti so 'nartha: sumahān smṛta: ॥ 2.100.34॥ ॥

kaccit sarve 'nuraktāstvāṁ kulaputrā: pradhānata: ।
kaccitprāṇāṁstavārtheṣu santyajanti samāhitā: ॥ 2.100.35॥ ॥

kaccijjānapado vidvān dakṣiṇa: pratibhānavān ।
yathoktavādī dūtaste kṛto bharata paṇḍita: ॥ 2.100.36॥ ॥

kaccidaṣṭādaśānyeṣu svapakṣe daśa pañca ca ।
tribhistribhiravijñātairvetsi tīrthāni cārakai: ॥ 2.100.37॥ ॥

kaccidvyapāstānahitān pratiyātāṁśca sarvadā ।
durbalānanavajñāya varttase ripusūdana ॥ 2.100.38॥ ॥

kaccinna lokāyatikān brāhmaṇāṁstāta sevase ।
anarthakuśalā hyete bālā: paṇḍitamānina: ॥ 2.100.39॥ ॥

dharmaśāstreṣu mukhyeṣu vidyamāneṣu durbudhā: ।
buddhimānvīkṣikīṁ prāpya nirarthaṁ pravadanti te ॥ 2.100.40॥ ॥

vīrairadhyuṣitāṁ pūrvamasmākaṁ tāta pūrvakai: ।
satyanāmāṁ dṛḍhadvārāṁ hastyaśvarathasaṅkulām ॥ 2.100.41॥ ॥

brāhmaṇai: kṣatऺitrayairvaiśyai: svakarmaniratai: sadā ।
jitendriyairmahotsāhairvṛtāmāryai: sahasraśa: ॥ 2.100.42॥ ॥

prāsādairvividhākārairvṛtāṁ vaidyajanākulām ।
kaccitsumuditāṁ sphītāmayodhyāṁ parirakṣasi ॥ 2.100.43॥ ॥

kacciccityaśatairjuṣṭa: suniviṣṭajanākula: ।
devasthānai: prapābhiśca taṭākaiścopaśobhita: ॥ 2.100.44॥ ॥

prahṛṣṭanaranārīka: samājotsavaśobhita: ।
sukṛṣṭasīmā paśumān hiṁsābhi: parivarjita: ॥ 2.100.45॥ ॥

adevamātṛko ramya: śvāpadai: parivarjita: ।
parityakto bhayai: sarvai: khanibhiścopaśobhita: ॥ 2.100.46॥ ॥

vivarjito narai: pāpairmama pūrvai: surakṣita: ।
kaccijjanapada: sphīta: sukhaṁ vasati rāghava ॥ 2.100.47॥ ॥

kaccitte dayitā: sarve kṛṣigorakṣajīvina: ।
vārttāyāṁ saṁśritastāta loko hi sukhamedhate ॥ 2.100.48॥ ॥

teṣāṁ guptiparīhārai: kaccitte bharaṇaṁ kṛtam ।
rakṣyā hi rājñā dharmeṇa sarve viṣayavāsina: ॥ 2.100.49॥ ॥

kaccit striya: sāntvayasi kaccittāśca surakṣitā: ।
kaccinna śraddadhāsyāsāṁ kaccid guhyaṁ na bhāṣase ॥ 2.100.50॥ ॥

kaccinnāgavanaṁ guptaṁ kaccitte santi dhenukā: ।
kaccinna gaṇikāśvānāṁ kuñjarāṇāṁ ca tṛpyasi ॥ 2.100.51॥ ॥

kacciddarśayase nityaṁ manuṣyāṇāṁ vibhūṣitam ।
utthāyotthāya pūrvāhṇe rājaputra mahāpathe ॥ 2.100.52॥ ॥

kaccinna sarve karmāntā: pratyakṣāste 'viśaṅkayā ।
sarve vā punarutsṛṣṭā madhyamevātra kāraṇam ॥ 2.100.53॥ ॥

kaccit sarvāṇi durgāṇi dhanadhānyāyudhodakai: ।
yantraiśca paripūrṇāni tathā śilpidhanurddharai ॥ 2.100.54॥ ॥

āyaste vipula: kaccit kaccidalpataro vyaya: ।
apātreṣu na te kaccitkośo gacchati rāghava ॥ 2.100.55॥ ॥

devatārthe ca pitrarthe brāhmaṇābhyāgateṣu ca ।
yodheṣu mitravargeṣu kaccidgacchati te vyaya: ॥ 2.100.56॥ ॥

kaccidāryyo viśuddhātmā ' 'kṣāritaścorakarmaṇā ।
apṛṣṭa: śāstrakuśalairna lobhādvadhyate śuci: ॥ 2.100.57॥ ॥

gṛhītaścaiva pṛṣṭaśca kāle dṛṣṭa: sakāraṇa: ।
kaccinna mucyate coro dhanalobhānnararṣabha ॥ 2.100.58॥ ॥

vyasane kaccidāḍhyasya durgatasya ca rāghava ।
arthaṁ virāgā: paśyanti tavāmātyā bahuśrutā: ॥ 2.100.59॥ ॥

yāni mithyābhiśastānāṁ patantyasrāṇi rāghava ।
tāni putrapaśūn ghnanti prītyarthamanuśāsata: ॥ 2.100.60॥ ॥

kaccid vṛddhāṁśca bālāṁśca vaidyamukhyāṁśca rāghava ।
dānena manasā vācā tribhiretairbubhūṣase ॥ 2.100.61॥ ॥

kaccidgurūṁśca vṛddhāṁśca tāpasān devatātithīn ।
caityāṁśca sarvān siddhārthān brāhmaṇāṁśca namasyasi ॥ 2.100.62॥ ॥

kaccidarthena vā dharmamarthaṁ dharmeṇa vā puna: ।
ubhau vā prītilobhena kāmena ca na bādhase ॥ 2.100.63॥ ॥

kaccidarthaṁ ca dharmaṁ ca kāmaṁ ca jayatāṁ vara ।
vibhajya kāle kālajña sarvān varada sevase ॥ 2.100.64॥ ॥

kaccitte brāhmaṇā: śarma sarvaśāstrārthakovidā: ।
āśaṁsante mahāprājña paurajānapadai: saha ॥ 2.100.65॥ ॥

nāstikyamanṛtaṁ krodhaṁ pramādaṁ dīrghasūtratām ।
adarśanaṁ jñānavatāmālasyaṁ pañcavṛttitām ॥ 2.100.66॥ ॥

ekacintanamarthānāmanarthajñaiśca mantraṇam ।
niścitānāmanārambhaṁ mantrasyāparirakṣaṇam ॥ 2.100.67॥ ॥

maṅgalasyāprayogaṁ ca pratyutthānaṁ ca sarvata: ।
kaccittvaṁ varjayasyetān rājadoṣāṁścaturdaśa ॥ 2.100.68॥ ॥

daśa pañca caturvargān saptavargaṁ ca tattvata: ।
aṣṭavargaṁ trivargaṁ ca vidyāstisraśca rāghava ॥ 2.100.69॥ ॥

indriyāṇāṁ jayaṁ buddhvā ṣāṅguṇyaṁ daivamānuṣam ।
kṛtyaṁ viṁśativargañca tathā prakṛtimaṇḍalam ॥ 2.100.70॥ ॥

yātrādaṇḍavidhānañca dviyonī sandhivigrahau ।
kaccidetān mahāprājña yathāvadanumanyase ॥ 2.100.71॥ ॥

mantribhistvaṁ yathoddiṣṭaiścaturbhistribhireva vā ।
kaccit samastairvyastaiśca mantra mantrayase mitha: ॥ 2.100.72॥ ॥

kaccitte saphalā vedā: kaccitte saphalā: kriyā: ।
kaccitte saphalā dārā: kaccitte saphalaṁ śrutam ॥ 2.100.73॥ ॥

kaccideṣaiva te buddhiryathoktā mama rāghava ।
āyuṣyā ca yaśasyā ca dharmakāmārthasaṁhitā ॥ 2.100.74॥ ॥

yāṁ vṛttiṁ varttate tāto yāṁ ca na: prapitāmahā: ।
tāṁ vṛttiṁ varttase kaccidyā ca satpathagā śubhā ॥ 2.100.75॥ ॥

kaccit svādu kṛtaṁ bhojyameko nāśnāsi rāghava ।
kaccidāśaṁsamānebhyo mitrebhya: samprayacchasi ॥ 2.100.76॥ ॥

rājā tu dharmeṇa hi pālayitvā mahāmatirdaṇḍadhara: prajānām ।
avāpya kṛtsnāṁ vasudhāṁ yathāvaditaścyuta: svargamupaiti vidvān ॥ 2.100.77 ॥ ॥