अयोध्याकाण्डम्Ayodhyā Kāṇḍa

tāṁ tathā darśayitvā tu maithilīṁ girinimnagām ।
niṣasāda giriprasthe sītāṁ māṁsena chandayan ॥ 2.96.1॥ ॥

idaṁ medhyamidaṁ svādu niṣṭaptamidamagninā ।
evamāste sa dharmātmā sītayā saha rāghava: ॥ 2.96.2॥ ॥

tathā tatrāsatastasya bharatasyopayāyina: ।
sainyareṇuśca śabdaśca prādurāstāṁ nabhasspṛśau ॥ 2.96.3॥ ॥

etasminnantare trastā: śabdena mahatā tata: ।
arditā yūthapā mattā: sayūthā dudruvurdiśa: ॥ 2.96.4॥ ॥

sa taṁ sainyasamuddhūtaṁ śabdaṁ śuśrāva rāghava: ।
tāṁśca vipradrutān sarvān yūthapānanvavaikṣata ॥ 2.96.5॥ ॥

tāṁśca vidravato dṛṣṭvā taṁ ca śrutvā ca nisvanam ।
uvāca rāma: saumitriṁ lakṣmaṇaṁ dīptatejasam ॥ 2.96.6॥ ॥

hanta lakṣmaṇa paśyeha sumitrā suprajāstvayā ।
bhīmastanitagambhīrastumula: śrūyate svana: ॥ 2.96.7॥ ॥

gajayūthāni vā 'raṇye mahiṣā vā mahāvane ।
vitrāsitā mṛgā: siṁhai: sahasā pradrutā diśa: ॥ 2.96.8॥ ॥

rājā vā rājamātro vā mṛgayāmaṭate vane ।
anyadvā śvāpadaṁ kiñcit saumitre jñātumarhasi ॥ 2.96.9॥ ॥

suduścaro giriścāyaṁ pakṣiṇāmapi lakṣmaṇa ।
sarvametadyathātattvamacirājjñātumarhasi ॥ 2.96.10॥ ॥

sa lakṣmaṇa: saṁtvarita: sālamāruhya puṣpitam ।
prekṣamāṇo diśa: sarvā: pūrvāṁ diśamudaikṣata ॥ 2.96.11॥ ॥

udaṅmukha: prekṣamāṇo dadarśa mahatīṁ camūm ।
rathāśvagajasambādhāṁ yattairyuktāṁ padātibhi: ॥ 2.96.12॥ ॥

tāmaśvagajasampūrṇāṁ rathadhvajavibhūṣitām ।
śaśaṁsa senāṁ rāmāya vacanaṁ cedamabrīt ॥ 2.96.13॥ ॥

agniṁ saṁśamayatvārya: sītā ca bhajatāṁ guhām ।
sajyaṁ kuruṣva cāpaṁ ca śarāṁśca kavacaṁ tathā ॥ 2.96.14॥ ॥

taṁ rāma: puruṣavyāghro lakṣmaṇaṁ pratyuvāca ha ।
aṅgāvekṣasva saumitre kasyemāṁ manyase camūm ॥ 2.96.15॥ ॥

evamuktastu rāmeṇa lakṣmaṇo vākyamabravīt ।
didhakṣanniva tāṁ senāṁ ruṣita: pāvako yathā ॥ 2.96.16॥ ॥

sampannaṁ rājyamicchaṁstu vyaktaṁ prāpyābhiṣecanam ।
āvāṁ hantuṁ samabhyeti kaikeyyā bharata: suta: ॥ 2.96.17॥ ॥

eṣa vai sumahān śrīmān viṭapī samprakāśate ।
virājatyudgataskandha: kovidāradhvajo rathe ॥ 2.96.18॥ ॥

bhajantyete yathā kāmamaśvānāruhya śīghragān ।
ete bhrājanti saṁhṛṣṭā gajānāruhya sādina: ॥ 2.96.19॥ ॥

gṛhītadhanuṣau cāvāṁ giriṁ vīraśrayāvahai ।
athavehaiva tiṣṭhāva: sannaddhāvudyatāyudhau ॥ 2.96.20॥ ॥

api nau vaśamāgacchet kovidāradhvajo daṇe ॥ 2.96.21॥ ॥

api drakṣyāmi bharataṁ yatkṛte vyasanaṁ mahat ।
tvayā rāghava samprāptaṁ sītayā ca mayā tathā ॥ 2.96.22॥ ॥

yannimittaṁ bhavān rājyāccyuto rāghava śāśvatāt ।
samprāpto 'yamarirvīra bharato vadhya eva me ॥ 2.96.23॥ ॥

bharatasya vadhe doṣaṁ nāhaṁ paśyāmi rāghava ।
pūrvāpakāriṇāṁ tyāge na hyadharmo vidhīyate ॥ 2.96.24॥ ॥

pūrvāpakārī bharatastyaktadharmaśca rāghava ।
etasminnihate kṛtsnāmanuśādhi vasundharām ॥ 2.96.25॥ ॥

adya putraṁ hataṁ saṅkhye kaikeyī rājyakāmukā ।
mayā paśyet sudu:khārttā hastibhagnamiva drumam ॥ 2.96.26॥ ॥

kaikeyīṁ ca vadhiṣyāmi sānubandhāṁ sabāndhavām ।
kaluṣeṇādya mahatā medinī parimucyatām ॥ 2.96.27॥ ॥

adyemaṁ saṁyataṁ krodhamasatkāraṁ ca mānada ।
mokṣyāmi śatrusainyeṣu kakṣeṣviva hutāśanam ॥ 2.96.28॥ ॥

adyaitaccitrakūṭasya kānanaṁ niśitai: śarai: ।
bhindan śatruśarīrāṇi kariṣye śoṇitokṣitam ॥ 2.96.29॥ ॥

śarairnirbhinnahṛdayān kuñjarāṁsturagāṁstathā ।
śvāpadā: parikarṣantu narāṁśca nihatān mayā ॥ 2.96.30॥ ॥

śarāṇāṁ dhanuṣaścāhamanṛṇo 'smi mahāmṛdhe ।
sasainyaṁ bharataṁ hatvā bhaviṣyāmi na saṁśaya: ॥ 2.96.31 ॥ ॥