अयोध्याकाण्डम्Ayodhyā Kāṇḍa

kṛtabuddhiṁ nivāsāya tatraiva sa munistadā ।
bharataṁ kaikayīputramātithyena nyamantrayat ॥ 2.91.1॥ ॥

abravīdbharatastvenaṁ nanvidaṁ bhavatā kṛtam ।
pādyamarghyaṁ tathātithyaṁ vane yadupapadyate ॥ 2.91.2॥ ॥

athovāca bharadvājo bharataṁ prahasanniva ।
jāne tvāṁ prītisaṁyuktaṁ tuṣyestvaṁ yena kenacit ॥ 2.91.3॥ ॥

senāyāstu tavaitasyā: kartumicchāmi bhojanam ।
mama prītiryathārūpā tvamarho manujādhipa ॥ 2.91.4॥ ॥

kimarthaṁ cāpi nikṣipya dūre balamihāgata: ।
kasmānnehopayātosi sabala: puruṣarṣabha ॥ 2.91.5॥ ॥

bharata: pratyuvācedaṁ prāñjalistaṁ tapodhanam ।
sasainyo nopayāto 'smi bhagavan bhagavadbhayāt ॥ 2.91.6॥ ॥

rājñā ca bhagavan nityaṁ rājaputreṇa vā sadā ।
yatnata: pariharttavyā viṣayeṣu tapasvina: ॥ 2.91.7॥ ॥

vājimukhyā manuṣyāśca mattāśca varavāraṇā: ।
pracchādya bhagavan bhūmiṁ mahatīmanuyānti mām ॥ 2.91.8॥ ॥

te vṛkṣānudakaṁ bhūmimāśrameṣūṭajāṁstathā ।
na hiṁsyuriti tenāhameka eva samāgata: ॥ 2.91.9॥ ॥

ānīyatāmita: senetyājñapta: paramarṣiṇā ।
tatastu cakre bharata: senāyā: samupāgamam ॥ 2.91.10॥ ॥

agniśālāṁ praviśyātha pītvāpa: parimṛjya ca ।
ātithyasya kriyāhetorviśvakarmāṇamāhvayat ॥ 2.91.11॥ ॥

āhvaye viśvakarmāṇamahaṁ tvaṣṭārameva ca ।
ātithyaṁ kartumicchāmi tatra me saṁvidhīyatām ॥ 2.91.12॥ ॥

āhvaye lokapālāṁstrīn devān śakramukhāṁstathā ।
ātithyaṁ kartumicchāmi tatra me saṁvidhīyatām ॥ 2.91.13॥ ॥

prāksrotasaśca yā nadya: pratyaksrotasa eva ca ।
pṛthivyāmantarikṣe ca samāyāntvadya sarvaśa: ॥ 2.91.14॥ ॥

anyā: sravantu maireyaṁ surāmanyā: suniṣṭhitām ।
aparāścodakaṁ śītamikṣukāṇḍarasopamam ॥ 2.91.15॥ ॥

āhvaye devagandharvān viśvāvasuhahāhuhūn ।
tathaivāpsaraso devīrgandharvvīścāpi sarvaśa: ॥ 2.91.16॥ ॥

ghṛtācīmatha viśvācīṁ miśrakeśīmalambusām ।
nāgadantāṁ ca hemāṁ ca himāmadrikṛtasthalām ॥ 2.91.17॥ ॥

śakraṁ yāścopatiṣṭhanti brahmāṇaṁ yāśca yoṣita: ।
sarvāstumburuṇā sārddhamāhvaye saparicchadā: ॥ 2.91.18॥ ॥

vanaṁ kuruṣu yaddivyaṁ vāsobhūṣaṇapatऺtravat ।
divyanārīphalaṁ śaśvattatkauberamihaitu ca ॥ 2.91.19॥ ॥

iha me bhagavān somo vidhattāmannamuttamam ।
bhakṣyaṁ bhojyaṁ ca coṣyaṁ ca lehyaṁ ca vividhaṁ bahu ॥ 2.91.20॥ ॥

vicitrāṇi ca mālyāni pādapapracyutāni ca ।
surādīni ca peyāni māṁsāni vividhāni ca ॥ 2.91.21॥ ॥

evaṁ samādhinā yuktastejasā 'pratimena ca ।
śīkṣāsvarasamāyuktaṁ tapasā cābravīnmuni: ॥ 2.91.22॥ ॥

manasā dhyāyatastasya prāṅmukhasya kṛtāñjale: ।
ājagmustāni sarvāṇi daivatāni pṛthakpṛthak ॥ 2.91.23॥ ॥

malayaṁ darduraṁ caiva tata: svedanuda' 'nila: ।
upaspṛśya vavau yuktyā supriyātmā sukha: śiva: ॥ 2.91.24॥ ॥

tatobhyavartanta ghanā divyā: kusumavṛṣṭaya: ।
divyadundubhighoṣaśca dikṣu sarvāsu śuśruve ॥ 2.91.25॥ ॥

pravavuścottamā vātānanṛtuścāpsarogaṇā: ।
prajagurdevagandharvā vīṇā: pramumucu: svarān ॥ 2.91.26॥ ॥

sa śabdo dyāṁ ca bhūmiṁ ca prāṇināṁ śravaṇāni ca ।
viveśoऺccārita: ślakṣṇa: samo layaguṇānvita: ॥ 2.91.27॥ ॥

tasminnuparate śabde divye śrotṛ(tra)sukhe nṛṇām ।
dadarśa bhārataṁ sainyaṁ vidhānaṁ viśvakarmaṇa: ॥ 2.91.28॥ ॥

babhūva hi samā bhūmi: samantātpañcayojanā ।
śādvalairbahubhiśchannā nīlavaiḍūryyasannibhai: ॥ 2.91.29॥ ॥

tasmin bilvā: kapitthāśca panasā bījapūrakā: ।
āmalakyo babhūvuśca cūtāśca phalabhūṣaṇā: ॥ 2.91.30॥ ॥

uttarebhya: kurubhyaśca vanaṁ divyopabhogavat ।
ājagāma nadī divyā tījairbahubhirvṛtā ॥ 2.91.31॥ ॥

catu:śālāni śubhrāṇi śālāśca gajavājinām ।
harmyaprāsādasambādhāstoraṇāni śubhāni ca ॥ 2.91.32॥ ॥

sitameghanibhaṁ cāpi rājaveśmasu toraṇam ।
divyamālyakṛtākāraṁ divyagandhasamukṣitam ॥ 2.91.33॥ ॥

caturaśramasambādhaṁ śayanāsanayānavat ।
divyai: sarvarasairyuktaṁ divyabhojanavastravat ।
upakalpitasarvānnaṁ dhautanirmalabhājanam ॥ 2.91.34॥ ॥

klṛptasarvāsanaṁ śrīmat svāstīrṇaśayanottamam ।
praviveśa mahābāhuranujñāto maharṣiṇā ।
veśma tadratnasampūrṇaṁ bharata: kekayīsuta: ॥ 2.91.35॥ ॥

anujagmuśca taṁ sarve mantriṇa: sapurohitā: ।
babhūvuśca mudā yuktā dṛṣṭvā taṁ veśmasaṁvidhim ॥ 2.91.36॥ ॥

tatra rājāsanaṁ divyaṁ vyajanaṁ chatrameva ca ।
bharato mantribhi: sārddhamabhyavarttata rājavat ॥ 2.91.37॥ ॥

āsanaṁ pūjayāmāsa rāmāyābhipraṇamya ca ।
vālavyajanamādāya nyaṣīdat sacivāsane ॥ 2.91.38॥ ॥

ānupūrvyāniṣeduśca sarve mantripurohitā: ।
tata: senāpati: paścāt praśāstā ca niṣedatu: ॥ 2.91.39॥ ॥

tatastatra muhūrttena nadya: pāyasakardamā: ।
upātiṣṭhanta bharataṁ bharadvājasya śāsanāt ॥ 2.91.40॥ ॥

tāsāmubhayata:kūlaṁ pāṇḍumṛttikalepanā: ।
ramyāścāvasathā divyā brahmaṇastu prasādajā: ॥ 2.91.41॥ ॥

tenaiva ca muhūrttena divyābharaṇabhūṣitā: ।
āgurviṁśatisāhasrā brahmaṇā prahitā: striya: ॥ 2.91.42॥ ॥

suvarṇamaṇimuktena pravālena ca śobhitā: ।
āgurviṁśatisāhasrā: kuberaprahitā: striya: ॥ 2.91.43॥ ॥

yābhirgṛhītapuruṣa: sonmāda iva lakṣyate ।
āgurviṁśatisāhasrā nandanādapsarogaṇā: ॥ 2.91.44॥ ॥

nāradastumbururgopa: pravarā: sūryyavarcasa: ।
ete gandharvarājāno bharatasyāgrato jagu: ॥ 2.91.45॥ ॥

alambusā miśrakeśī puṇḍarīkātha vāmanā ।
upānṛtyaṁstu bharata bharadvājasya śāsanāt ॥ 2.91.46॥ ॥

yāni mālyāni deveṣu yāni caitrarathe vane ।
prayāge tānyadṛśyanta bharadvājasya tejasā ॥ 2.91.47॥ ॥

bilvā mārdaṅgikā āsan śamyāgrāhā vibhītakā: ।
aśvatthānarttakāścāsan bharadvājasya śāsanāt ॥ 2.91.48॥ ॥

tata: saralatālāśca tilakā naktamālakā: ।
prahṛṣṭāstatra sampetu: kubjā bhūtvātha vāmanā: ॥ 2.91.49॥ ॥

śiṁśupāmalakījambvo yāścānyā: kānaneṣu tā: ।
mālatī mallikā jātiryāścānyā: kānane latā: ॥ 2.91.50॥ ॥

pramadāvigrahaṁ kṛtvā bharadvājāśrame 'vadan ।
surā: surāpā: pibata pāyasaṁ ca bubhukṣitā: ।
māṁsāni ca sumedhyāni bhakṣyantāṁ yāvadicchatha ॥ 2.91.51॥ ॥

ucchādya snāpayanti sma nadītīreṣu valguṣu ।
apyekamekaṁ puruṣaṁ pramadā: sapta cāṣṭa ca ॥ 2.91.52॥ ॥

saṁvāhantya: samāpeturnāryo ruciralocanā: ।
parimṛjya tathānyonyaṁ pāyayanti varāṅganā: ॥ 2.91.53॥ ॥

hayān gajān kharānuṣṭrāṁstathaiva surabhe: sutān ।
abhojayan vāhanapāsteṣāṁ bhojyaṁ yathāvidhi ॥ 2.91.54॥ ॥

ikṣūṁśca madhulājāṁśca bhojayanti sma vāhanān ।
ikṣvākuvarayodhānāṁ codayanto mahābalā: ॥ 2.91.55॥ ॥

nāśvabandho 'śvamājānānna gajaṁ kuñjaragraha: ।
mattapramattamuditā namū: sā tatra sambabhau ॥ 2.91.56॥ ॥

tarpitā: sarvakāmaiste raktacandanarūṣitā: ।
apsarogaṇasaṁyuktā: sainyā vācamudairayan ॥ 2.91.57॥ ॥

naivāyodhyāṁ gamiṣyāmo na gamiṣyāma daṇḍakān ।
kuśalaṁ bharatasyāstu rāmasyāstu tathā sukham ॥ 2.91.58॥ ॥

iti pādātayodhāśca hastyaśvāroha bandhakā: ।
anāthāstaṁ vidhiṁ labdhvā vācametāmudairayan ॥ 2.91.59॥ ॥

samprahṛṣṭā vineduste narāstatra sahasraśa: ।
bharatasyānuyātāra: svargoyamiti cābruvan ॥ 2.91.60॥ ॥

nṛtyanti sma hasanti sma gāyanti sma ca sainikā: ।
samantāt paridhāvanti mālyopetā: sahasraśa: ॥ 2.91.61॥ ॥

tato bhuktavatāṁ teṣāṁ tadannamamṛtopamam ।
divyānudvīkṣya bhakṣyāṁstānabhavadbhakṣaṇe mati: ॥ 2.91.62॥ ॥

preṣyāśceṣṭyaśca vadhvaśca balasthāśca sahasraśa: ।
babhūvusऺte bhṛśaṁ dṛptā: sarve cāhatavāsasa: ॥ 2.91.63॥ ॥

kuñjarāśca kharoṣṭrāśca gośvāśca mṛgapakṣiṇa: ।
babhūvu: subhṛtāstatra nānyo hyanyamakalpayat ॥ 2.91.64॥ ॥

nāśuklavāsāstatrāsīt kṣudhito malino 'pi vā ।
rajasā dhvastakeśo vā nara: kaścidadṛśyata ॥ 2.91.65॥ ॥

ājaiścāpi ca vārāhairniṣṭhānavarasañcayai: ।
phalaniryūhasaṁsiddhai: sūpairgandharasānvitai: ॥ 2.91.66॥ ॥

puṣpadhvajavatī: pūrṇā: śuklasyānnasya cābhita: ।
dadṛśurvismitāstatra narā lauhī: sahasraśa: ॥ 2.91.67॥ ॥

babhūvurvanapārśveṣu kūpā: pāyasakardamā: ।
tāśca kāmadughā gāvo drumāścāsan madhusruta: ॥ 2.91.68॥ ॥

vāpyo maireyapūrṇāśca mṛṣṭamāṁsacayairvṛtā: ।
prataptapiṭharaiścāpi mārgamāyūrakaukkuṭai: ॥ 2.91.69॥ ॥

pātrīṇāṁ ca sahasrāṇi sthālīnāṁ niyutāni ca ।
nyarbudāni ca pātrāṇi śātakumbhamayāni ca ॥ 2.91.70॥ ॥

sthālya: kumbhya: karambhyaśca dadhipūrṇā: susaṁskṛtā: ।
yauvanasthasya gaurasya kapitthasya sugandhina: ॥ 2.91.71॥ ॥

hradā: pūrṇā rasālasya daghna: śvetasya cāpare ।
babhūvu: pāyasasyānye śarkarāyāśca sañcayā: ॥ 2.91.72॥ ॥

kalkāṁścūrṇakaṣāyāṁśca snānāni vividhāni ca ।
dadṛśurbhājanasthāni tīrtheṣu saritāṁ narā: ॥ 2.91.73॥ ॥

śuklānaṁśumataścāpi dantadhāvanasañcayān ।
śuklāṁścandanakalkāṁśca samudgeṣvavatiṣṭhata: ॥ 2.91.74॥ ॥

darpaṇān parimṛṣṭāṁśca vāsasāṁ cāpi sañcayān ।
pādukopānahaścaiva yugmāni ca sahasraśa: ॥ 2.91.75॥ ॥

āñjanī: kaṅkatān kūrcān śastrāṇi ca dhanūṁṣi ca ।
marmatrāṇāni citrāṇi śayanānyāsanāni ca ॥ 2.91.76॥ ॥

pratipānahradān pūrṇān kharoṣṭragajavājinām ।
avagāhya sutīrthāṁśca hradān sotpalapuṣkarān ॥ 2.91.77॥ ॥

ākāśavarṇapratimān svacchatoyān sukhaplavān ।
nīlavaiḍūryyavarṇāṁśca mṛdūn yavasasañcayān ॥ 2.91.78॥ ॥

nirvāpārthān paśūnāṁ te dadṛśustatra sarvaśa: ॥ 2.91.79॥ ॥

vyasmayanta manuṣyāste svapnakalpaṁ tadadbhutam ।
dṛṣṭvātithyaṁ kṛtaṁ tādṛk bharatasya maharṣiṇā ॥ 2.91.80॥ ॥

ityevaṁ ramamāṇānāṁ devānāmiva nandane ।
bharadvājāśrame ramye sā rātrirvyatyavarttata ॥ 2.91.81॥ ॥

pratijagmuśca tā nadyo gandharvāśca yathāgatam ।
bharadvājamanujñāpya tāśca sarvā varāṅganā: ॥ 2.91.82॥ ॥

tathaiva mattā madirotkaṭā narāstathaiva divyāgurucandanokṣitā: ।
tathaiva divyā vividhā: sraguttamā: pṛthak prakīrṇā manujai: pramarditā: ॥ 2.91.83 ॥ ॥