अयोध्याकाण्डम्Ayodhyā Kāṇḍa

evamuktā tu kaikeyī kopena jvalitānanā ।
dīrghamuṣṭam viniḥśvasya mantharāmidam abravīt ॥

adya rāmamitaḥ kṣipraṁ vanaṁ prasthāpayāmyaham ।
yauvarājye ca bharataṁ kṣipramevābhiṣecaye ॥

idaṁ tvidānīṁ saṁpaśya kenopāyena manthare ।
bharataḥ prāpnuyādrājyaṁ na tu rāmaḥ kathaṁcana ॥

evamuktā tayā devyā mantharā pāpadarśinī ।
rāmārthamupahiṁsantī kaikeyīmidamabravīt ॥

hantedānīṁ pravakṣyāmi kaikeyi śrūyatāṁ ca me ।
yathā te bharato rājyaṁ putraḥ prāpsyati kevalam ॥

kiṁ na smarasi kaikeyi smarantī vā nigūhase ।
yaducyamānamātmārthaṁ mattastvaṁ śrotumicchasi ॥

mayocyamānaṁ yadi te śrotuṁ cchndo vilāsini ।
śrūyatāmabhidhāsyāmi śrutvā caitad vidhīyatām ॥

śrutvaivaṁ vacanaṁ tasyā mantharāyāstu kaikayi ।
kiṁcidutthāya śayanātsvāstīrṇādidamabravīt ॥

kathaya tvaṁ mamopāyaṁ kenopāyena manthare ।
bharataḥ prāpnuyādrajyaṁ na tu rāmaḥ kathaṁcana ॥

evamuktā tayā devyā mantharā pāpadarśinī ।
rāmārthamupahiṁsantī kubjā vacanamabravīt ॥

tava daivāsure yuddhe saharājarṣibhiḥ patiḥ ।
agacchattvāmupādāya devarājasya sāhyakṛt ॥

diśamāsthāya vai devi dakṣiṇāṁ daṇḍakān prati ।
vaijayantamiti kyātaṁ puraṁ yatra timidhvajaḥ ॥

sa śambara iti khyātaḥ śatamāyo mahāsuraḥ ।
dadau śakrasya saṁgrāmaṁ devasaṅighairanirjitaḥ ॥

tasmin mahati saṁgrāme puruṣān kṣatavikṣatān ।
rātrau prasuptān ghnanti sma tarasāsādya rākṣasāḥ ॥

tatrākaronmahāyuddhaṁ rājā daśaratha stadā ।
asuraiśca mahābāhuḥ śastraiśca śakalīkṛtaḥ ॥

apavāhya tvayā devi saṁgrāmānnaṣṭacetanaḥ ।
tatrapi vikṣataḥ śasraiḥ patiste rakṣitastvayā ॥

tuṣṭena tena dattau te dvau varau śubhadarśane ।
satvayoktaḥ patirdevi yadeccheyaṁ tadā varau ॥

gṛhṇīyāmiti tattana tadhetyuktaṁ mahātmanā ।
anabhijñā hyahaṁ devi tvayaiva kathitā purā ॥

kathaiṣā tava tu snehānmanasā dhāryate mayā ।
rāmābhiṣekasaṁbhārānnigṛhya vinivartaya ॥

tau varau yāca bhartāraṁ bharatasyābhiṣecanam ।
pravrājanaṁ tu rāmasya tvaṁ varṣāṇi caturdaśa ॥

caturdaśa hi varṣāṇirāme pravrājite vanam ।
prajābhāvagatasnehaḥ sthiraḥ putro bhaviṣyati ॥

krodhāgāraṁ praviśyādya kṛdddhevāśvapateḥ sute ।
śeṣvānantarhitāyāṁ tvaṁ bhūmau malinavāsinī ॥

māsmainaṁ pratyudīkṣethā mācaina mabhibhāṣathāḥ ।
rudantī cāpi taṁ dṛṣṭvā jagatyāṁ śokalālasā ॥

dayitā tvaṁ sadā bharturatra me nāsti saṁśayaḥ ।
tvatkṛte sa mahārājo viśedapi hutāśanam ॥

na tvāṁ krodhayituṁ śaktona kruddhāṁ pratyudīkṣitum ।
tava priyārthaṁ rājā hi prāṇānapi parityajet ॥

na hyatikramituṁ śaktastava vākyaṁ mahīpatiḥ ।
mandasvabhāve buddhyasva saubhāgyabalamātmanaḥ ॥

maṇimuktaṁ suvarṇāni ratnāni vividhāni ca ।
dadyāddhaśaratho rājā mā sma teṣu manaḥ kṛthāḥ ॥

yau tau daivāsure yuddhe varau dśaratho'dadāt ।
tau smāraya mahābhāge so'rtho mātvāmatikramet ॥

yadā tu te varaṁ dadyātsvayamutthāpya rāghavaḥ ।
vyavasthāpya mahārājaṁ tamimaṁ vṛṇuyā varam ॥

rāmaṁ pravrājayāraṇye nava varṣāṇi pañca ca ।
bharataḥ kriyatāṁ rājā pṛthivyāḥ pārthivarṣabha ॥

caturdaśa hi varṣāṇi rāme pravrājite vanm ।
rūḍhaśca kṛtamūlaśca śeṣaṁ sthāsyati te sutaḥ ॥

rāmapravrājanaṁ caiva devi yācasva taṁ varam ।
evaṁ siddhyanti putrasya sarvārthāstava bhāmini ॥

evaṁ pravrājitaścaiva rāmo'rāmo bhaviṣyati ।
bharataśca hatāmitrastava rājā bhaviṣyati ॥

yena kālena rāmaśca vanātpratyāgamiṣyati ।
tena kālena putraste kṛtamūlo bhaviṣyati ॥

sugṛhītamanuṣyaśca suhṛdbhiḥ sārdhamātmavān ।
prāptakālaṁ nu manye'haṁ rājānaṁ vītasādhvasā ॥

rāmābhiṣekasaṁkalpānnigṛhya vinivartaya ।
anarthamartharūpeṇa grāhitā sā tatastayā ॥

hṛṣṭā pratītā kaikeyī mantharāmidamabravīt ।
sā hi vākyena kubjāyāḥ kiśorīvotpathaṁ gatā ।
kaikeyī vismayaṁ prāptā paraṁ paramadarśanā ॥

kubje tvāṁ nābhijānāmi śreṣṭhāṁ śreṣhṭhabhidhāyinīm ।
pṛthivyāmasi kubjānāmuttamā buddhinirṇaye ॥

tvameva tu mamārtheṣu nityayuktā hitaiṣiṇī ॥

nāhaṁ samavabuddhyeyaṁ kubje rājñaścikīrṣitam ।
santi duḥsaṁsthitāḥ kubjā vakrāḥ paramadāruṇāḥ ॥

tvaṁ padmamiva vātena sannatā priyadarśanā ।
uraste'bhiniviṣṭaṁ vai yāvat skandhātsamunnatam ॥

adhastāccodaraṁ śātaṁ sunābhamiva lajjitam ।
paripūrṇaṁ tu jaghanaṁ supīnau ca payodharau ॥

vimalendusamaṁ vaktramaho rājasi manthare ।
jaghanaṁ tava nirghuṣṭaṁ raśanādāmaśobhitam ॥

jaṅaghe bh^iśamupanyaste pādau cāpyāyatāvubhau ।
tvamāyatābhyāṁ sakthibhyāṁ manthare kṣaumavāsinī ।
agrato mama gacchantī rājahaṁseva bhāsase ॥

āsanyāḥ śambare māyāḥ sahasramasurādhipe ॥

sarvāstvayi niviṣṭāstā bhūyaścānyāḥ sahasraśaḥ ।
tavedaṁ sthagu yaddīrghaṁ rathaghoṇamivāyatam ॥

matayaḥ kṣatravidyāśca māyāścātra vasanti te ।
atrate pratimokṣyāmi mālāṁ kubje hiraṇmayīm ॥

abhiṣikte ca bharate rāghave ca vanaṁ gate ।
jātyena ca suvarṇena suviṣṭaptena manthare ॥

labdhārthā ca pratītā ca lepayiṣyāmi te sthagu ।
mukhe ca tilakaṁ citraṁ jātarūpamayaṁ śubham ॥

kārayiṣyāmi te kubje śubhānyabharaṇāni ca ।
paridhāya śubhe vastre devateva cariṣyasi ॥

caṁdramāhvayamānena mukhenāpratimānanā ।
gamiṣyasi gatiṁ mukhyāṁgarvayantī dviṣajjane ॥

tavāpi kubjāyāḥ sarvābharaṇabhūṣitāḥ ।
pādau paricariṣyanti yathaiva tvaṁ sadā mama ॥

iti praśasyamānā sā kaikeyīmidamabravīt ।
śayānāṁ śayane śubhre vedyāmagniśikhāmiva ॥

gatodake setubando na kalyāṇi vidhīyate ।
uttiṣṭha kuru kalyāṇaṁ rājānamasudarśaya ॥

tathā protsāhitā devī gatā mantharayā saha ।
krodhāgāraṁ viśālākṣī saubhāgyamadagarvitā ॥

anekaśatasāhasraṁ muktāhāraṁ varāṅganā ।
avamucya varārāṇi śubhānyābharaṇāni ca ॥

tato hemopamā tatra kubjāvākyavaśaṁgatā ।
saṁviśya bhūmau kaikeyī mantharāmidamabravīt ॥

iha vā māṁ mṛtāṁ kubje ṇṛpāyāvedayiṣyasi ।
vanaṁ tu rāghave prāptebharataḥ prāpsyati kṣitim ॥

na suvarṇena me hyartho na ratnairna ca bhūṣaṇaiḥ ।
eṣa me jīvitasyānto rāmo yadyabhiṣicyate ॥

atho punastāṁ mahiṣīṁ mahīkṣito ।
vacobhiratyartha mahāparākramaiḥ ।
uvāca kubjā bharatasya mātaraṁ ।
hitaṁ vaco rāmamupetya cāhitam ॥

prapatsyate rājyamidaṁ hi rāghavo ।
yadi dhruvaṁ tvaṁ sa sutā ca tapsyase ।
ato hi kalyāṇi yatasva tattathā ।
yathā sutaste bharato'bhiṣekṣyate ॥

tathātividdhā mahiṣi tu kubjayā ।
samāhatā vāgiṣubhirmuhurmuhuḥ ।
vidhāya hastau hṛdaye'tivismitā ।
śśaṁsa kubjāṁ kupitā punaḥ punaḥ ॥

yamasya vā māṁ viṣayaṁ gatāmito ।
niśāmya kubje prativedayiṣyasi ।
vanaṁ gate vā sucirāya rāghave ।
samṛddhakāmo bharato bhaviṣyati ॥

ahaṁ hi vai nāstaraṇāni na srajo ।
na candanaṁ nāñjanapānabhojanam ।
na kiṁcidicchāmi na ceha jīvitaṁ ।
na cedito gacchati rāghavo vanam ॥

athaitaduktvā vacanaṁ sudāruṇaṁ ।
ndhāya sarvābharaṇāni bhāminī ।
asaṁvṛtāmāstaraṇena medinīṁ ।
tadādhiśiśye patiteva kinnarī ॥

udīrṇasaṁrambhatamovṛtānanā ।
tadāvamuktottamamūlyabhūṣaṇā ।
narendrapatnī vimanā babhūva sā ।
tamovṛtā dyauriva magnatārakā ॥