अयोध्याकाण्डम्Ayodhyā Kāṇḍa

vyuṣya rātriṁ tu tatraiva gaṅgākūle sa rāghava: ।
bharata: kālyamutthāya śatrughnamidamabravīt ।
2.89.1 ॥

śatrughnottiṣṭha kiṁ śeṣe niṣādādhipatiṁ guham ।
śīghramānaya bhadraṁ te tārayiṣyati vāhinīm ।
2.89.2 ॥

jāgarmi nāhaṁ svapimi tamevāryyaṁ vicintayan ।
ityevamabravīdbhrātrā śatrughnopi pracodita: ।
2.89.3 ॥

iti saṁvadatorevamanyonyaṁ narasiṁhayo: ।
āgamya prāñjali: kāle guho bharatamabravīt ।
2.89.4 ॥

kaccitsukhaṁ nadītīre 'vātsī: kākutstha śarvarīm ।
kaccitte sahasainyasya tāvatsarvamanāmayam ।
2.89.5 ॥

guhasya tattu vacanaṁ śrutvā snehādudīritam ।
rāmasyānuvaśo vākyaṁ bharato 'pīdamabravīt ।
2.89.6 ॥

sukhā na: śarvarī rājan pūjitāścāpi te vayam ।
gaṅgāṁ tu naubhirbahvībhirdāśā: santārayantu na: ।
2.89.7 ॥

tato guha: saṁtvaritaṁ śrutvā bharataśāsanam ।
pratipraviśya nagaraṁ taṁ jñātijanamabravīt ।
2.89.8 ॥

uttiṣṭhata prabudhyadhvaṁ bhadramastu ca va: sadā ।
nāva: samanukarṣadhvaṁ tārayiṣyāma vāhinīm ।
2.89.9 ॥

te tathoktā: samutthāya tvaritā rājaśāsanāt ।
pañca nāvāṁ śatānyāśu samāninyu: samantata: ।
2.89.10 ॥

anyā: svastikavijñeyā mahāghaṇṭādharā varā: ।
śobhamānā: patākābhiryuktavātā: susaṁhatā: ।
2.89.11 ॥

tata: svastikavijñeyāṁ pāṇḍukambalasaṁvṛtām ।
sanandighoṣāṁ kalyāṇīṁ guho nāvamupāharat ।
tāmāruroha bharata: śatrughnaśca mahābala: ।
2.89.12 ॥

kausalyā ca sumitrā ca yāścānyā rājayoṣita: ।
purohitaśca tatpūrvaṁ guravo brāhmaṇāśca ye ।
anantaraṁ rājadārāstathaiva śakaṭāpaṇā: ।
2.89.13 ॥

āvāsamādīpayatāṁ tīrthaṁ cāpyavagāhatām ।
bhāṇḍāni cādadānānāṁ ghoṣastridivamaspṛśat ।
2.89.14 ॥

patākinyastu tā nāva: svayaṁ dāśairadhiṣṭhitā: ।
vahantyo janamārūḍhaṁ tadā sampeturāśugā: ।
2.89.15 ॥

nārīṇāmabhipūrṇāstu kāścit kāścicca vājinām ।
kāścidatra vahanti sma yānayugyaṁ mahādhanam ।
2.89.16 ॥

tā: sma gatvā paraṁ tīramavaropya ca taṁ janam ।
nivṛttā: kāṇḍacitrāṇi kriyante dāśabandhubhi: ।
2.89.17 ॥

savaijayantāstu gajā gajārohapracoditā: ।
taranta: sma prakāśante sadhvajā iva parvatā: ।
2.89.18 ॥

nāvaścāruruhuścānye plavaisterustathāpare ।
anye kumbhaghaṭaisteruranye teruśca bāhubhi: ।
2.89.19 ॥

sā puṇyā dhvajinī gaṅgā dāśai: santāritā svayam ।
maitre muhūrtte prayayau prayāgavanamuttamam ।
2.89.20 ॥

āśvāsayitvā ca camūṁ mahātmā niveśayitvā ca yathopajoṣam ।
draṣṭuṁ bharadvājamṛṣipravaryyamṛtvigvṛta: san bharata: pratasthe ।
2.89.21 ॥

sa brāhmaṇasyāśramamabhyupetya mahātmano devapurohitasya ।
dadarśa ramyoṭajavṛkṣaṣaṇḍaṁ mahadvanaṁ vipravarasya ramyam ।
2.89.22 ॥