अयोध्याकाण्डम्Ayodhyā Kāṇḍa

sā tvevamuktā vaidehī tvanasūyā 'nasūyayā ।
pratipūjya vaco mandaṁ pravaktumupacakrame ॥ 2.118.1॥ ॥

naitadāścaryyamāryāyā yanmāṁ tvamanubhāṣase ।
viditaṁ tu mamāpyetadyathā nāryyā: patirguru: ॥ 2.118.2॥ ॥

yadyapyeṣa bhavedbhartā mamārye vṛttavarjita: ।
advaidhamupacartavyastathāpyeṣa mayā bhavet ॥ 2.118.3॥ ॥

kiṁ punaryo guṇa: ślāghya: sānukrośo jitendriya: ।
sthirānurāgo dharmātmā mātṛvatpitṛvatpriya: ॥ 2.118.4॥ ॥

yāṁ vṛttiṁ varttate rāma: kausalyāyāṁ mahābala: ।
tāmeva nṛpanārīṇāmanyāsāmapi varttate ॥ 2.118.5॥ ॥

sakṛddṛṣṭāsvapi strīṣu nṛpeṇa nṛpavatsala: ।
mātṛvadvarttate vīro mānamutsṛjya dharmavit ॥ 2.118.6॥ ॥

āgacchantyāśca vijanaṁ vanamevaṁ bhayāvaham ।
samāhitaṁ me śvaśrvā ca hṛdaye taddhṛtaṁ mahat ॥ 2.118.7॥ ॥

pāṇipradānakāle ca yatpurā tvagnisannidhau ।
anuśiṣṭā jananyā 'smi vākyaṁ tadapi me dhṛtam ॥ 2.118.8॥ ॥

navīkṛtaṁ ca tatsarvaṁ vākyaiste dharmacāriṇi ।
patiśuśrūṣaṇānnāryyāstapo nānyadvidhīyate ॥ 2.118.9॥ ॥

sāvitrī patiśuśrūṣāṁ kṛtvā svarge mahīyate ।
tathāvṛttiśca yātā tvaṁ patiśuśrūṣayā divam ॥ 2.118.10॥ ॥

variṣṭhā sarvanārīṇāmeṣā ca divi devatā ।
rohiṇī na vinā candraṁ muhūrttamapi dṛśyate ॥ 2.118.11॥ ॥

evaṁvidhāśca pravarā: striyo bhartṛdṛḍhavratā: ।
devaloke mahīyante puṇyena svena karmaṇā ॥ 2.118.12॥ ॥

tato 'nasūyā saṁhṛṣṭā śrutvoktaṁ sītayā vaca: ।
śirasyāghrāya covāca maithilīṁ harṣayantyuta ॥ 2.118.13॥ ॥

niyamairvividhairāptaṁ tapo hi mahadasti me ।
tatsaṁśritya balaṁ sīte chandaye tvāṁ śucismite ॥ 2.118.14॥ ॥

upapannaṁ manojñaṁ ca vacanaṁ tava maithili ।
prītā cāsmyucitaṁ kiṁ te karavāṇi bravīhi me ॥ 2.118.15॥ ॥

tasyāstadvacanaṁ śrutvā vismitā mandavismayā ।
kṛtamityabravītsītā tapobalasamanvitām ॥ 2.118.16॥ ॥

sā tvevamuktā dharmajñā tayā prītatarā 'bhavat ।
saphalaṁ ca praharṣaṁ te hanta sīte karomyaham ॥ 2.118.17॥ ॥

idaṁ divyaṁ varaṁ mālyaṁ vastramābharaṇāni ca ।
aṅgarāgaṁ ca vaidehi mahārhaṁ cānulepanam ॥ 2.118.18॥ ॥

mayā dattamidaṁ sīte tava gātrāṇi śobhayet ।
anurūpamasaṁkliṣṭaṁ nityameva bhaviṣyati ॥ 2.118.19॥ ॥

aṅgarāgeṇa divyena liptāṅgī janakātmaje ।
śobhayiṣyasi bharttāraṁ yathā śrīviṣṇumavyayam ॥ 2.118.20॥ ॥

sā vastramaṅgarāgaṁ ca bhūṣaṇāni srajastathā ।
maithilī pratijagrāha prītidānamanuttamam ॥ 2.118.21॥ ॥

pratigṛhya ca tat sītā prītidānaṁ yaśasvinī ।
śliṣṭāñjalipuṭā tatra samupāsta tapodhanām ॥ 2.118.22॥ ॥

tathā sītāsupāsīnāmanasūyā dṛḍhavratā ।
vacanaṁ praṣṭumārebhe kāñcit priyakathāmanu ॥ 2.118.23॥ ॥

svayaṁvare kila prāptā tvamanena yaśasvinā ।
rāghaveṇeti me sīte kathā śrutimupāgatā ॥ 2.118.24॥ ॥

tāṁ kathāṁ śrotumicchāmi vistareṇa ca maithili ।
yathānubhūtaṁ kārtsnyena tanme tvaṁ vaktumarhasi ॥ 2.118.25॥ ॥

evamuktā tu sā sītā tāṁ tato dharmacāriṇīm ।
śrūyatāmiti coktvā vai kathayāmāsa tāṁ kathām ॥ 2.118.26॥ ॥

mithilādhipatirvīro janako nāma dharmavit ।
kṣatऺtradharme hyabhirato nyāyata: śāsti medinīm ॥ 2.118.27॥ ॥

tasya lāṅgalahastasya karṣata: kṣetramaṇḍalam ।
ahaṁ kilotthitā bhittvā jagatīṁ nṛpate: sutā ॥ 2.118.28॥ ॥

sa māṁ dṛṣṭvā narapatirmuṣṭivikṣepatatpara: ।
pāṁsukuṇṭhitasarvāṅgīṁ janako vismito 'bhavat ॥ 2.118.29॥ ॥

anapatyena ca snehādaṅkamāropya ca svayam ।
mameyaṁ tanayetyuktvā sneho mayi nipātita: ॥ 2.118.30॥ ॥

antarikṣe ca vāguktā prati mā 'mānuṣī kila ।
evametannarapate dharmeṇa tanayā tava ॥ 2.118.31॥ ॥

tata: prahṛṣṭo dharmātmā pitā me mithilādhipa: ।
avāpto vipulāmṛddhiṁ māmavāpya narādhipa: ॥ 2.118.32॥ ॥

dattā cāsmīṣṭavaddevyai jyeṣṭhāyai puṇyakarmaṇā ।
tayā sambhāvitā cāsmi snigdhayā mātṛsauhṛdāt ॥ 2.118.33॥ ॥

patisaṁyogasulabhaṁ vayo dṛṣṭvā tu me pitā ।
cintāmabhyagamaddīno vittanāśādivādhana: ॥ 2.118.34॥ ॥

sadṛśāccāpakṛṣṭācca loke kanyāpitā janāt ।
pradharṣaṇamavāpnoti śakreṇāpi samo bhuvi ॥ 2.118.35॥ ॥

tāṁ dharṣaṇāmadūrasthāṁ dṛṣṭvā cātmani pārthiva: ।
cintārṇavagata: pāraṁ nāsasādāplavo yathā ॥ 2.118.36॥ ॥

ayonijāṁ hi māṁ jñātvā nādhyagacchadvicintayan ।
sadṛśaṁ cānurūpaṁ ca mahīpāla: patiṁ mama ॥ 2.118.37॥ ॥

tasya buddhiriyaṁ jātā cintayānasya santatam ।
svayaṁ varaṁ tanūjāyā: kariṣyāmīti dhīmata: ॥ 2.118.38॥ ॥

mahāyajñe tadā tasya varuṇena mahātmanā ।
dattaṁ dhanurvaraṁ prītyā tūṇī cākṣayasāyakau ॥ 2.118.39॥ ॥

asañcālyaṁ manuṣyaiśca yatnenāpi ca gauravāt ।
tanna śaktā namayituṁ svapneṣvapi narādhipā: ॥ 2.118.40॥ ॥

taddhanu: prāpya me pitrā vyāhṛtaṁ satyavādinā ।
samavāye narendrāṇāṁ pūrvamāmantrya pārthivān ॥ 2.118.41॥ ॥

idaṁ ca dhanurudyamya sajyaṁ ya: kurute nara: ।
tasya me duhitā bhāryā bhaviṣyati na saṁśaya: ॥ 2.118.42॥ ॥

tacca dṛṣṭvā dhanu: śreṣṭhaṁ gauravādgirisannibham ।
abhivādya nṛpā jagmuraśaktāstasya tolane ॥ 2.118.43॥ ॥

sudīrghasya tu kālasya rāghavo 'yaṁ mahādyuti: ।
viśvāmitreṇa sahito yajñaṁ draṣṭuṁ samāgata: ।
lakṣmaṇena saha bhrātrā rāma: satyaparākrama: ॥ 2.118.44॥ ॥

viśvāmitrastu dharmātmā mama pitrā supūjita: ।
provāca pitaraṁ tatra bhrātarau rāmalakṣmaṇau ॥ 2.118.45॥ ॥

sutau daśarathasyemau dhanurdarśanakāṁkṣiṇau ।
dhanurdarśaya rāmāya rājaputrāya daivikam ॥ 2.118.46॥ ॥

ityuktastena vipreṇa taddhanu: samupānayat ।
nimeṣāntaramātreṇa tadānamya sa vīryyavān ॥ 2.118.47॥ ॥

jyāṁ samāropya jhaṭiti pūrayāmāsa vīryavat ॥ 2.118.48॥ ॥

tena pūrayatā vegānmadhye bhagnaṁ dvidhā dhanu: ।
tasya śabdo 'bhavadbhīma: patitasyāśaneriva ॥ 2.118.49॥ ॥

tato 'haṁ tatra rāmāya pitrā satyābhisandhinā ।
niścitā dātumudyamya jalabhājanamuttamam ॥ 2.118.50॥ ॥

dīyamānāṁ na tu tadā pratijagrāha rāghava: ।
avijñāya pituśchandamayodhyādhipate: prabho: ॥ 2.118.51॥ ॥

tata: śvaśuramāmantrya vṛddhaṁ daśarathaṁ nṛpam ।
mama pitrā tvahaṁ dattā rāmāya viditātmane ॥ 2.118.52॥ ॥

mama caivānujā sādhvī ūrmilā priyadarśanā ।
bhāryyārthe lakṣmaṇasyāpi dattā pitrā mama svayam ॥ 2.118.53॥ ॥

evaṁ dattāsmi rāmāya tadā tasmin svayamvare ।
anuraktāsmi dharmeṇa patiṁ vīryavatāṁ varam ॥ 2.118.54 ॥ ॥