अयोध्याकाण्डम्Ayodhyā Kāṇḍa

strigdhagambhīraghoṣeṇa syandanenopayān prabhu: ।
ayodhyāṁ bharata: kṣipraṁ praviveśa mahāyaśā: ॥ 2.114.1॥ ॥

biḍālolūkacaritāmālīnanaravāraṇām ।
timirābhyāhatāṁ kālīmaprakāśāṁ niśāmiva ॥ 2.114.2॥ ॥

rāhuśatro: priyāṁ patnīṁ śriyā prajvalitaprabhām ।
graheṇābhyutthite naikāṁ rohiṇīmiva pīḍitām ॥ 2.114.3॥ ॥

alpoṣṇakṣubdhasalilāṁ dharmottaptavihaṅgamām ।
līnamīnajhaṣagrāhāṁ kṛśāṁ girinadīmiva ॥ 2.114.4॥ ॥

vidhūmāmiva hemābhāmadhvarāgne: samutthitām ।
havirabhyukṣitāṁ paścāt śikhāṁ vipralayaṁ gatām ॥ 2.114.5॥ ॥

vidhvastakavacāṁ rugṇajavājirathadhvajām ।
hatapravīrāmāpannāṁ camūmiva mahāhave ॥ 2.114.6॥ ॥

saphenā sasvanā bhūtvā sāgarasya samutthitām ।
praśāntamārutodghātāṁ jalormimiva nisvanām ॥ 2.114.7॥ ॥

tyaktāṁ yajñāyudhai: sarvairabhirūpaiśca yājakai: ।
sutyākāle vinirvṛtte vediṁ gataravāmiva ॥ 2.114.8॥ ॥

goṣṭhamadhye sthitāmārttāmacarantīṁ tṛṇaṁ navam ।
govṛṣeṇa parityaktāṁ gavāṁ pattimivotsukām ॥ 2.114.9॥ ॥

prabhākarādyai: susnigdhai: prajvaladbhirivottamai: ।
viyuktāṁ maṇibhirjātyairnavāṁ muktāvalīmiva ॥ 2.114.10॥ ॥

sahasā calitāṁ sthānānmahīṁ puṇyakṣayādgatām ।
saṁhṛtadyutivistārāṁ tārāmiva divaścyutām ॥ 2.114.11॥ ॥

puṣpanaddhāṁ vasantānte mattabhramaranāditām ।
drutadāvāgnivipluṣṭāṁ klāntāṁ vanalatāmiva ॥ 2.114.12॥ ॥

sammūḍhanigamāṁ stabdhāṁ saṁkṣiptavipaṇāpaṇām ।
pracchannaśaऺśinakṣatrāṁ dyāmivāmbudharairvṛtām ॥ 2.114.13॥ ॥

kṣīṇapānottamairbhinnai: śarāvairabhisaṁvṛtām ।
hataśauṇḍāmivākāśe pānabhūmimasaṁskṛtām ॥ 2.114.14॥ ॥

vṛkṇabhūmitalāṁ nimnāṁ vṛkṇapātrai: samāvṛtām ।
upayuktodakāṁ bhagnāṁ prapāṁ nipatitāmiva ॥ 2.114.15॥ ॥

vipulāṁ vitatāṁ caiva yuktapāśāṁ tarasvinām ।
bhūmau bāṇairviniṣkṛttāṁ patitāṁ jyāmivāyudhāt ॥ 2.114.16॥ ॥

sahasā yuddhaśauṇḍena hayāroheṇa vāhitām ।
nikṣiptabhāṇḍāmutsṛṣṭāṁ kiśorīmiva durbalām ॥ 2.114.17॥ ॥

śuṣkatoyāṁ mahāmatsyai: kūrmaiśca bahubhirvṛtām ।
prabhinnataṭavistīrṇāṁ vāpīmiva hṛtotpalām ॥ 2.114.18॥ ॥

puruṣasyāprahṛṣṭasya pratiṣiddhānulepanām ।
santaptāmiva śokena gātrayaṣṭimabhūṣaṇām ॥ 2.114.19॥ ॥

prāvṛṣi pravigāḍhāyāṁ praviṣṭasyābhramaṇḍalam ।
pracchannāṁ nīlajīmūtairbhāskarasya prabhāmiva ॥ 2.114.20॥ ॥

bharatastu rathastha: san śrīmān daśarathātmaja: ।
vāhayantaṁ rathaśreṣṭhaṁ sārathiṁ vākyamabravīt ॥ 2.114.21॥ ॥

kiṁ nu khalvadya gambhīro mūrcchito na niśamyate ।
yathāpuramayodhyāyāṁ gītavāditranisvana: ॥ 2.114.22॥ ॥

vāruṇīmadagandhaśca mālyagandhaśca mūrcchita: ।
dhūpitāgarugandhaśca na pravāti samantata: ॥ 2.114.23॥ ॥

yānapravaraghoṣaśca snigdhaśca hayanisvana: ।
pramattagajanādaśca mahāṁśca rathanisvana: ।
nedānīṁ śrūyate puryāmasyāṁ rāme vivāsite ॥ 2.114.24॥ ॥

candanāgarugandhāṁśca mahārhāśca navasraja: ।
gate hi rāme taruṇā: santaptā nopabhuñjate ॥ 2.114.25॥ ॥

bahiryātrāṁ na gacchanti citramālyadharā narā: ।
notsavā: sampravarttante rāmaśokārdite pure ॥ 2.114.26॥ ॥

saha nūnaṁ mama bhrātrā purasyāsyadyutirgatā ।
nahi rājatyayodhyeyaṁ sāsārevārjunī kṣapā ॥ 2.114.27॥ ॥

kadā nu khalu me bhrātā mahotsava ivāgata: ।
janayiṣyatyayodhyāyāṁ harṣaṁ grīṣma ivāmbuda: ॥ 2.114.28॥ ॥

taruṇaiścāruveṣaiśca narairunnatagāmibhi: ।
sampatadbhirayodhyāyāṁ nābhibhānti mahāpathā: ॥ 2.114.29॥ ॥

evaṁ bahuvidhaṁ jalpan viveśa vasatiṁ pitu: ।
tena hīnāṁ narendreṇa siṁhahīnāṁ guhāmiva ॥ 2.114.30॥ ॥

tadā tadanta:puramujjhitaprabhaṁ surairivotsṛṣṭamabhāskaraṁ dinam ।
nirīkṣya sarvantu viviktamātmavān mumoca bāṣpaṁ bharata: sudu:khita: ॥ 2.114.31 ॥ ॥