अयोध्याकाण्डम्Ayodhyā Kāṇḍa

tata: śirasi kṛtvā tu pāduke bharatastadā ।
āruroha rathaṁ hṛṣṭa: śatrughnena samanvita: ॥ 2.113.1॥ ॥

vasiṣऺṭho vāmadevaśca jābāliśca dṛḍhavrata: ।
agrata: prayayu: sarve mantriṇo mantrapūjitā: ॥ 2.113.2॥ ॥

mandākinīṁ nadīṁ ramyāṁ prāṅmukhāste yayustadā ।
pradakṣiṇaṁ ca kurvāṇāścitrakūṭaṁ mahāgirim ॥ 2.113.3॥ ॥

paśyan dhātusahasrāṇi ramyāṇi vividhāni ca ।
prayayau tasya pārśvena sasainyo bharatastadā ॥ 2.113.4॥ ॥

adūrāccitrakūṭasya dadarśa bharatastadā ।
āśramaṁ yatra sa munirbharadvāja: kṛtālaya: ॥ 2.113.5॥ ॥

sa tamāśramamāgamya bharadvājasya buddhimān ।
avatīrya rathāt pādau vavande bharatastadā ॥ 2.113.6॥ ॥

tato hṛṣṭo bharadvājo bharataṁ vākyamabravīt ।
api kṛtyaṁ kṛtaṁ tāta rāmeṇa ca samāgatam ॥ 2.113.7॥ ॥

evamukta: sa tu tato bharadvājena dhīmatā ।
pratyuvāca bharadvājaṁ bharato bhrātṛvatsala: ॥ 2.113.8॥ ॥

sa yācyamāno guruṇā mayā ca dṛḍhavikrama: ।
rāghava: paramaprīto vasiṣṭhaṁ vākyamabravīt ॥ 2.113.9॥ ॥

pitu: pratijñāṁ tāmeva pālayiṣyāmi tattvata: ।
caturdaśa hi varṣāṇi yā pratijñā piturmama ॥ 2.113.10॥ ॥

evamukto mahāprājño vasiṣṭha: pratyuvāca ha ।
vākyajño vākyakuśalaṁ rāghavaṁ vacanaṁ mahat ॥ 2.113.11॥ ॥

ete prayaccha saṁhṛṣṭa: pāduke hemabhūṣite ।
ayodhyāyāṁ mahāprājña yogakṣemakare tava ॥ 2.113.12॥ ॥

evamukto vasiṣṭhena rāghava: prāṅmukha: sthita: ।
pāduke adhiruhyaite mama rājyāya vai dadau ॥ 2.113.13॥ ॥

nivṛtto 'hamanujñāto rāmeṇa sumahātmanā ।
ayodhyāmeva gacchāmi gṛhītvā pāduke śubhe ॥ 2.113.14॥ ॥

etacchrutvā śubhaṁ vākyaṁ bharatasya mahātmana: ।
bharadvāja: śubhataraṁ munirvākyamuvāca tam ॥ 2.113.15॥ ॥

naitaccitraṁ naravyāghra śīlavṛttavatāṁ vara ।
yadāryaṁ tvayi tiṣṭhettu nimne sṛṣṭamivodakam ॥ 2.113.16॥ ॥

amṛta: sa mahābāhu: pitā daśarathastava ।
yasya tvamīdṛśa: putro dharmajño dharmavatsala: ॥ 2.113.17॥ ॥

tamṛṣiṁ tu mahātmānamuktavākyaṁ kṛtāñjali: ।
āmatantrayitumārebhe caraṇāvupagṛhya ca ॥ 2.113.18॥ ॥

tata: pradakṣiṇaṁ kṛtvā bharadvājaṁ puna:puna: ।
bharatastu yayau śrīmānayodhyāṁ saha mantribhi: ॥ 2.113.19॥ ॥

yānaiśca śakaṭaiścaiva hayairnāgaiśca sā camū: ।
punarnivṛttā vistīrṇā bharatasyānuyāyinī ॥ 2.113.20॥ ॥

tataste yamunāṁ divyāṁ nadīṁ tīrtvormimālinīm ।
dadṛśustāṁ puna: sarve gaṅgāṁ śubhajalāṁ nadīm ॥ 2.113.21॥ ॥

tāṁ ramyajalasampūrṇāṁ santīrya sahabāndhava: ।
śṛṅgiberapuraṁ ramyaṁ praviveśa sasainika: ॥ 2.113.22॥ ॥

śṛṅgiberapurādbhūyastvayodhyāṁ saṁdadarśa ha ॥ 2.113.23॥ ॥

ayodhyāṁ ca tato dṛṣṭvā pitrā bhrātrā vivarjitām ।
bharato du:khasantapta: sārathiṁ cedamabravīt ॥ 2.113.24॥ ॥

sārathe paśya vidhvastā sāyodhyā na prakāśate ।
nirākārā nirānandā dīnā pratihatasvarā ॥ 2.113.25 ॥ ॥