अयोध्याकाण्डम्Ayodhyā Kāṇḍa

tamapratimatejobhyāṁ bhrātṛbhyāṁ romaharṣaṇam ।
vismitā: saṅgamaṁ prekṣya samavetā maharṣaya: ॥ 2.112.1॥ ॥

antarhitāstvṛṣigaṇā: siddhāśca paramarṣaya: ।
tau bhrātarau mahātmānau mahātmānau kākutsthau praśaśaṁsire ॥ 2.112.2॥ ॥

sa dhanyo yasya putrau dvau dharmajñau dharmavikramau ।
śrutvā vayaṁ hi sambhāṣāmubhayo: spṛhayāmahe ॥ 2.112.3॥ ॥

tatastvṛṣigaṇā: kṣipraṁ daśagrīvavadhaiṣiṇa: ।
bharataṁ rājaśārdūlamityūcu: saṅgatā vaca: ॥ 2.112.4॥ ॥

kule jāta mahāprājña mahāvṛtta mahāyaśa: ।
grāhyaṁ rāmasya vākyaṁ te pitaraṁ yadyavekṣase ॥ 2.112.5॥ ॥

sadānṛṇamimaṁ rāmaṁ vayamicchāmahe pitu: ।
anṛṇatvācca kaikeyyā: svargaṁ daśaratho gata: ॥ 2.112.6॥ ॥

etāvaduktvā vacanaṁ gandharvā: samaharṣaya: ।
rājarṣayaścaiva tadā sarve svāṁsvāṁ gatiṁ gatā: ॥ 2.112.7॥ ॥

hlāditastena vākyena śubhena śubhadarśana: ।
rāma: saṁhṛṣṭavadanastānṛṣīnabhyapūjayat ॥ 2.112.8॥ ॥

srastagātrastu bharata: sa vācā sajjamānayā ।
kṛtāñjaliridaṁ vākyaṁ rāghavaṁ punarabravīt ॥ 2.112.9॥ ॥

rājadharmamanuprekṣya kuladharmānusantatim ।
karttumarhasi kākutstha mama mātuśca yācanām ॥ 2.112.10॥ ॥

rakṣituṁ sumahadrājyamahamekastu notsahe ।
paurajānapadāṁścāpi raktān rañjayituṁ tathā ॥ 2.112.11॥ ॥

jñātayaśca hi yodhāśca mitrāṇi suhṛdaśca na: ।
tvāmeva pratikāṁkṣante parjanyamiva karṣakā: ॥ 2.112.12॥ ॥

idaṁ rājyaṁ mahāprājña sthāpaya pratipadya hi ।
śaktimānasi kākutstha lokasya paripālane ॥ 2.112.13॥ ॥

ityuktvā nyapatad bhrātu: pādayorbharatastadā ।
bhṛśaṁ samprārthayāmāsa rāmameva priyaṁvada: ॥ 2.112.14॥ ॥

tamaṅke bhrātaraṁ kṛtvā rāmo vacanamabravīt ।
śyāmaṁ nalinapatrākṣaṁ mattahaṁsasvaraṁ svayam ॥ 2.112.15॥ ॥

āgatā tvāmiyaṁ buddhi: svajā vainayikī ca yā ।
bhṛśamutsahase tāta rakṣituṁ pṛthivīmapi ॥ 2.112.16॥ ॥

amātyaiśca suhṛdbhiśca buddhimadbhiśca mantribhi: ।
sarvakāryāṇi sammantrya sumahāntyapi kāraya ॥ 2.112.17॥ ॥

lakṣmīścandrādapeyādvā himavān vā himaṁ tyajet ।
atīyāt sāgaro velāṁ na pratijñāmahaṁ pitu: ॥ 2.112.18॥ ॥

kāmādvā tāta lobhādvā mātrā tubhyamidaṁ kṛtam ।
na tanmanasi karttavyaṁ varttitavyaṁ ca mātṛvat ॥ 2.112.19॥ ॥

evaṁ bruvāṇaṁ bharata: kausalyāsutamabravīt ।
tejasādityasaṅkāśaṁ pratipaccandradarśanam ॥ 2.112.20॥ ॥

adhirohārya pādābhyāṁ pāduke hemabhūṣite ।
ete hi sarvalokasya yogakṣemaṁ vidhāsyata: ॥ 2.112.21॥ ॥

so 'dhiruhya naravyāghra: pāduke hyavaruhya ca ।
prāyacchat sumahātejā bharatāya mahātmane ॥ 2.112.22॥ ॥

sa pāduke sampraṇamya rāmaṁ vacanamabravīt ।
caturdaśa hi varṣāṇi jaṭācīradharo hyaham ॥ 2.112.23॥ ॥

phalamūlāśano vīra bhaveyaṁ raghunandana ।
tavāgamanamākāṁkṣan vasan vai nagarādbahi: ॥ 2.112.24॥ ॥

tava pādukayornyastarājyatantra: parantapa ।
caturdaśe hi sampūrṇe varṣe 'hani raghūttama ।
na drakṣyāmi yadi tvāṁ tu pravekṣyāmi hutāśanam ॥ 2.112.25॥ ॥

tatheti ca pratijñāya taṁ pariṣvajya sādaram ।
śatrughnaṁ ca pariṣvajya bharataṁ cedamabravīt ॥ 2.112.26॥ ॥

mātaraṁ rakṣa kaikeyīṁ mā roṣaṁ kuru tāṁ prati ।
mayā ca sītayā caiva śapto 'si raghusattama ॥ 2.112.27॥ ॥

ityuktvā 'śruparītākṣo bhrātaraṁ visasarja ऺha ॥ 2.112.28॥ ॥

sa pāduke te bharata: pratāpavān svalaṅkṛte samparipūjya dharmavit ।
pradakṣiṇaṁ caiva cakāra rāghavaṁ cakāra caivottamanāgamūrddhani ॥ 2.112.29॥ ॥

athānupūrvyāt pratinandya taṁ janaṁ gurūṁśca mantriprakṛtīstathānujau ।
vyasarjayadrāghavavaṁśavarddhana: sthira: svadharme himavānivācala: ॥ 2.112.30॥ ॥

taṁ mātaro bāṣpagṛhītakaṇṭhyo du:khena nāmantrayituṁ hi śeku: ।
sa tveva māta'rabhivādya sarvā rudan kuṭīṁ svāṁ praviveśa rāma: ॥ 2.112.31 ॥ ॥