अयोध्याकाण्डम्Ayodhyā Kāṇḍa

jābālestu vaca: śrutvā rāma: satyātmanāṁ vara: ।
uvāca parayā bhaktyā svabuddhyā cāvipannayā ॥ 2.109.1॥ ॥

bhavān me priyakāmārthaṁ vacanaṁ yadihoktavān ।
akāryyaṁ kāryyasaṅkāśamapathyaṁ pathyasammitam ॥ 2.109.2॥ ॥

nirmaryādastu puruṣa: pāpācārasamanvita: ।
mānaṁ na labhate satsu bhinnacāritradarśana: ॥ 2.109.3॥ ॥

kulīnamakulīnaṁ vā vīraṁ puruṣamāninam ।
cāritrameva vyākhyāti śuciṁ vā yadi vā 'śucim ॥ 2.109.4॥ ॥

anāryastvāryasaṅkāśa: śaucāddhīnastathā śuci: ।
lakṣaṇyavadalakṣaṇyo du:śīla: śīlavāniva ॥ 2.109.5॥ ॥

adharmaṁ dharmaveṣeṇa yadīmaṁ lokasaṅkaram ।
abhipatsye śubhaṁ hitvā kriyāvidhivivarjitam ॥ 2.109.6॥ ॥

kaścetayāna: puruṣa: kāryākāryavicakṣaṇa: ।
bahumaṁsyati māṁ loke durvṛttaṁ lokadūṣaṇam ॥ 2.109.7॥ ॥

kasya dhāsyāmyahaṁ vṛttaṁ kena vā svargamāpnuyām ।
anayā varttamāno hi vṛttyā hīnapratijñayā ॥ 2.109.8॥ ॥

kāmavṛttastvayaṁ loka: kṛtsna: samupavarttate ।
yadvṛttā: santi rājānastadvṛttā: santi hi prajā: ॥ 2.109.9॥ ॥

satyamevānṛśaṁsañca rājavṛttaṁ sanātanam ।
tasmātsatyātmakaṁ rājyaṁ satye loka: pratiṣṭhita: ॥ 2.109.10॥ ॥

ṛṣayaścaiva devāśca satyameva hi menire ।
satyavādī hi loke 'smin paramaṁ gacchati kṣayam ॥ 2.109.11॥ ॥

udvijante yathā sarppānnarādanṛtavādina: ।
dharma: satyaṁ paro loke mūlaṁ svargasya cocyate ॥ 2.109.12॥ ॥

satyameveśvaro loke satyaṁ padmā śritā sadā ।
satyamūlāni sarvāṇi satyānnāsti paraṁ padam ॥ 2.109.13॥ ॥

dattamiṣṭaṁ hutaṁ caiva taptāni ca tapāṁsi ca ।
vedā: satyapratiṣṭhānāstasmāt satyaparo bhavet ॥ 2.109.14॥ ॥

eka: pālayate lokameka: pālayate kulam ।
majjatyeko hi niraya eka: svarge mahīyate ॥ 2.109.15॥ ॥

so 'haṁ piturniyogantu kimarthaṁ nānupālaye ।
satyapratiśrava: satyaṁ satyena samayīkṛta: ॥ 2.109.16॥ ॥

naiva lobhānna mohādvā na hyajñānāttamonvita: ।
setuṁ satyasya bhetsyāmi guro: satyapratiśrava: ॥ 2.109.17॥ ॥

asatyasandhasya sataścalasyāsthiracetasa: ।
naiva devā na pitara: pratīcchantīti na: śrutam ॥ 2.109.18॥ ॥

pratyagātmamimaṁ dharmaṁ satyaṁ paśyāmyahaṁ svayam ।
bhāra: satpuruṣācīrṇastadarthamabhimanyate ॥ 2.109.19॥ ॥

kṣātऺtraṁ dharmamahaṁ tyakṣye hyadharmaṁ dharmasaṁhitam ।
kṣudrairnṛśaṁsairlubdhaiśca sevitaṁ pāpakarmabhi: ॥ 2.109.20॥ ॥

kāyena kurute pāpaṁ manasā sampradhārya ca ।
anṛtaṁ jihvayā cāha trividhaṁ karma pātakam ॥ 2.109.21॥ ॥

bhūmi: kīrttiryaśo lakṣmī: puruṣaṁ prārthayanti hi ।
svargasthaṁ cānupaśyanti satyameva bhajeta tat ॥ 2.109.22॥ ॥

śreṣṭhaṁ hyanāryameva syādyadbhavānavadhāryya mām ।
āha yuktikarairvākyairidaṁ bhadraṁ kuruṣva ha ॥ 2.109.23॥ ॥

kathaṁ hyahaṁ pratijñāya vanavāsamimaṁ gurau ।
bharatasya kariṣyāmi vaco hitvā gurorvaca: ॥ 2.109.24॥ ॥

sthirā mayā pratijñātā pratijñā gurusannidhau ।
prahṛṣyamāṇā sā devī kaikeyī cābhavattadā ॥ 2.109.25॥ ॥

vanavāsaṁ vasannevaṁ śucirniyatabhojana: ।
mūlai: puṣpai: phalai: puṇyai: pita'n devāṁśca tarpayan ॥ 2.109.26॥ ॥

santuṣṭapañcavargo 'haṁ lokayātrāṁ pravarttaye ।
akuha: śraddadhānassan kāryyākāryyavicakṣaṇa: ॥ 2.109.27॥ ॥

karmabhūmimimāṁ prāpya karttavyaṁ karma yacchubham ।
agnirvāyuśca somaśca karmaṇāṁ phalabhāgina: ॥ 2.109.28॥ ॥

śataṁ kratūnāmāhṛtya devarāṭ tridivaṅgata: ।
tapāṁsyugrāṇi cāsthāya divaṁ yātā maharṣaya: ॥ 2.109.29॥ ॥

amṛṣyamāṇa: punarugratejā niśamya tannāstikavākyahetum ।
athābravīttaṁ nṛpatestanūjo vigarhamāṇo vacanāni tasya ॥ 2.109.30॥ ॥

satyaṁ ca dharmaṁ ca parākramaṁ ca bhūtānukampāṁ priyavāditāñca ।
dvijātidevātithipūjanaṁ ca panthānamāhustridivasya santa: ॥ 2.109.31॥ ॥

tenaivamājñāya yathāvadarthamekodayaṁ sampratipadya viprā: ।
dharmaṁ caranta: sakalaṁ yathāvat kāṁkṣanti lokāgamamapramattā: ॥ 2.109.32॥ ॥

nindāmyahaṁ karma pitu: kṛtaṁ tadyastvāmagṛhṇādviṣamasthabuddhim ।
buddhyānayaivaṁvidhayā carantaṁ sunāstikaṁ dharmapathādapetam ॥ 2.109.33॥ ॥

yathā hi cora: sa tathā hi buddhastathāgataṁ nāstikamatra viddhi ।
tasmāddhi ya: śaṅkyatama: prajānāṁ na nāstikenābhimukho budha: syāt ॥ 2.109.34॥ ॥

tvatto janā: pūrvatare varāśca śubhāni karmāṇi bahūni cakru: ।
jitvā sademaṁ ca parañca lokaṁ tasmāddvijā: svasti hutaṁ kṛtaṁ ca ॥ 2.109.35॥ ॥

dharme ratā: satpuruṣai: sametāstejasvino dānaguṇapradhānā: ।
ahiṁsakā vītamalāśca loke bhavanti pūjyā munaya: pradhānā: ॥ 2.109.36॥ ॥

iti bruvantaṁ vacanaṁ saroṣaṁ rāmaṁ mahātmānamadīnasattvam ।
uvāca tathyaṁ punarāstikaṁ ca satyaṁ vaca: sānunayaṁ ca vipra: ॥ 2.109.37॥ ॥

na nāstikānāṁ vacanaṁ bravīmyahaṁ na nāstiko'haṁ na ca nāsti kiñcana ।
samīkṣya kālaṁ punarāstiko'bhavaṁ bhaveya kāle punareva nāstikaḥ॥2.109.38॥ ॥

sa cāpi kālo 'yamupāgata: śanairyathā mayā nāstikavāgudīritā ।
nivarttanārthaṁ tava rāma kāraṇāt prasādanārthaṁ tu mayaitadīritam ॥ 2.109.39 ॥ ॥