अयोध्याकाण्डम्Ayodhyā Kāṇḍa

taṁ tu rāma: samājñāya bhrātaraṁ guruvatsalam ।
lakṣmaṇena saha bhrātrā praṣṭuṁ samupacakrame ॥ 2.104.1॥ ॥

kimetadiccheyamahaṁ śrotuṁ pravyāhṛtaṁ tvayā ।
yasmāttvamāgato deśamimaṁ cīrajaṭājinī ॥ 2.104.2॥ ॥

kiṁ nimittamimaṁ deśaṁ kṛṣṇājinajaṭādhara: ।
hitvā rājyaṁ praviṣṭastvaṁ tatsarvaṁ vaktumarhasi ॥ 2.104.3॥ ॥

ityukta: kaikayīputra: kākutsthena mahātmanā ।
pragṛhya balavadbhūya: prāñjalirvākyamabravīt ॥ 2.104.4॥ ॥

āryyaṁ tāta: parityajya kṛtvā karma suduṣkaram ।
gata: svargaṁ mahābāhu: putraśokābhipīḍita: ॥ 2.104.5॥ ॥

striyā niyukta: kaikeyyā mama mātrā parantapa ।
cakāra sumahatpāpamidamātmayaśoharam ॥ 2.104.6॥ ॥

sā rājyaphalamaprāpya vidhavā śokakarśitā ।
patiṣyati mahāghore niraye jananī mama ॥ 2.104.7॥ ॥

tasya me dāsabhūtasya prasādaṁ karttumarhasi ।
abhiṣiñcasva cādyaiva rājyenapa maghavāniva ॥ 2.104.8॥ ॥

imā: prakṛtaya: sarvā vidhavā mātaraśca yā: ।
tvatsakāśamanuprāptā: prasādaṁ karttumarhasi ॥ 2.104.9॥ ॥

tadānupūrvyā yuktaṁ ca yuktaṁ cātmani mānada ।
rājyaṁ prāpnuhi dharmeṇa sakāmān suhṛda: kuru ॥ 2.104.10॥ ॥

bhavatvavidhavā bhūmi: samagrā patinā tvayā ।
śaśinā vimaleneva śāradī rajanī yathā ॥ 2.104.11॥ ॥

ebhiśca sacivai: sārddhaṁ śirasā yācito mayā ।
bhrātu: śiṣyasya dāsasya prasādaṁ karttumarhasi ॥ 2.104.12॥ ॥

tadidaṁ śāśvataṁ pitryaṁ sarvaṁ prakṛtimaṇḍalam ।
pūjitaṁ puruṣavyāghra nātikramitumarhasi ॥ 2.104.13॥ ॥

evamuktvā mahābāhu: sabāṣpa: kaikayīsuta: ।
rāmasya śirasā pādau jagrāha vidhivatpuna: ॥ 2.104.14॥ ॥

taṁ mattamiva mātaṅgaṁ ni:śvasantaṁ puna:puna: ।
bhrātaraṁ bharataṁ rāma: pariṣvajyedamabravīt ॥ 2.104.15॥ ॥

kulīna: sattvasampannastejasvī caritavrata: ।
rājyaheto: kathaṁ pāpamācarettvadvidho jana: ॥ 2.104.16॥ ॥

na doṣaṁ tvayi paśyāmi sūkṣmamapyarisūdana ।
na cāpi jananīṁ bālyāttvaṁ vigarhitumarhasi ॥ 2.104.17॥ ॥

kāmakāro mahāprājña gurūṇāṁ sarvadā 'nagha ।
upapanneṣu dāreṣu putreṣu ca vidhīyate ॥ 2.104.18॥ ॥

vayamasya yathā loke saṅkhyātā: saumya sādhubhi: ।
bhāryyā: putrāśca śiṣyāśca tvamanu jñātumarhasi ॥ 2.104.19॥ ॥

vane vā cīravasanaṁ saumya kṛṣṇājināmbaram ।
rājye vāpi mahārājo māṁ vāsayitumīśvara: ॥ 2.104.20॥ ॥

yāvatpitari dharmajñe gauravaṁ lokasatkṛtam ।
tāvaddharmabhṛtāṁ śreṣṭha jananyāmapi gauravam ॥ 2.104.21॥ ॥

etābhyāṁ dharmaśīlābhyāṁ vanaṁ gaccheti rāghava ।
mātāpitṛbhyāmukto 'haṁ kathamanyat samācare ॥ 2.104.22॥ ॥

tvayā rājyamayodhyāyāṁ prāptavyaṁ lokasatkṛtam ।
vastavyaṁ daṇḍakāraṇye mayā valkalavāsasā ॥ 2.104.23॥ ॥

evaṁ kṛtvā mahārājo vibhāgaṁ lokasannidhau ।
vyādiśya ca mahātejā divaṁ daśaratho gata: ॥ 2.104.24॥ ॥

sa ca pramāṇaṁ dharmātmā rājā lokagurustava ।
pitrā dattaṁ yathābhāgamupabhoktuṁ tvamarhasi ॥ 2.104.25॥ ॥

caturdaśasamā: saumya daṇḍakāraṇyamāśrita: ।
upabhokṣye tvahaṁ dattaṁ bhāgaṁ pitrā mahātmanā ॥ 2.104.26॥ ॥

yadabravīnmāṁ naralokasatkṛta: pitā mahātmā vibudhādhipopama: ।
tadeva manye paramātmano hitaṁ na sarvalokeśvarabhāvamapyaham ॥ 2.104.27 ॥ ॥