अयोध्याकाण्डम्Ayodhyā Kāṇḍa

vasiṣṭha: purata: kṛtvā dārān daśarathasya ca ।
abhicakrāma taṁ deśaṁ rāmadarśanatarṣita: ॥ 2.103.1॥ ॥

rājapatnyaśca gacchantyo mandaṁ mandākinīṁ prati ।
dadṛśustatra tattīrthaṁ rāmalakṣmaṇasevitam ॥ 2.103.2॥ ॥

kausalyā bāṣpapūrṇena mukhena pariśuṣyatā ।
sumitrāmabravīddīnā yāśऺcānyā rājayoṣita: ॥ 2.103.3॥ ॥

idaṁ teṣāmanāthānāṁ kliṣṭamakliṣṭakarmaṇām ।
vane prākkevalaṁ tīrthaṁ ye te nirviṣayīkṛtā: ॥ 2.103.4॥ ॥

ita: sumitre putraste sadā jalamatandrita: ।
svayaṁ harati saumitrirmama putrasya kāraṇāt ॥ 2.103.5॥ ॥

jaghanyamapi te putra: kṛtavānna tu garhita: ।
bhrāturyadarthasahitaṁ sarvaṁ tadvihitaṁ guṇai: ॥ 2.103.6॥ ॥

adyāyamapi te putra: kleśānāmatathocita: ।
nīcānarthasamācāraṁ sajjaṁ karma pramuñcatu ॥ 2.103.7॥ ॥

dakṣiṇāgreṣu darbheṣu sā dadarśa mahītale ।
pituriṅgudipiṇyākaṁ nyastamāyatalocanā ॥ 2.103.8॥ ॥

taṁ bhūmau piturārtena nyastaṁ rāmeṇa vīkṣya sā ।
uvāca devī kausalyā sarvā daśarathastriya: ॥ 2.103.9॥ ॥

idamikṣvākunāthasya rāghavasya mahātmana: ।
rāghaveṇa piturdattaṁ paśyataitadyathāvidhi ॥ 2.103.10॥ ॥

tasya devasamānasya pārthivasya mahātmana: ।
naitadaupayikaṁ manye bhuktabhogasya bhojanam ॥ 2.103.11॥ ॥

caturantāṁ mahīṁ bhuktvā mahendrasadṛśo vibhu: ।
kathamiṅgudipiṇyākaṁ sa bhuṅkte vasudhādhipa: ॥ 2.103.12॥ ॥

ato du:khataraṁ loke na kiñcit pratibhāti mā ।
yatra rāma: piturdadyādiṅgudīkṣodamṛddhimān ॥ 2.103.13॥ ॥

rāmeṇeṅgudipiṇyākaṁ piturdattaṁ samīkṣya me ।
kathaṁ du:khena hṛdayaṁ na sphoṭati sahasradhā ॥ 2.103.14॥ ॥

śrutistu khalviyaṁ satyā laukikī pratibhāti mā ।
yadanna: puruṣo bhavati tadannāstasya devatā: ॥ 2.103.15॥ ॥

evamārttāṁ sapatnyastā jagmurāśvāsya tāṁ tadā ।
dadṛśuścāśrame rāmaṁ svargacyutamivāmaram ॥ 2.103.16॥ ॥

sarvabhogai: parityaktaṁ rāmaṁ samprekṣya mātara: ।
ārttā mumucuraśrūṇi sasvaraṁ śokakarśitā: ॥ 2.103.17॥ ॥

tāsāṁ rāma: samutthāya jagrāha caraṇān śubhān ।
māta'ṇāṁ manujavyāghra: sarvāsāṁ satyasaṅgara: ॥ 2.103.18॥ ॥

tā: pāṇibhi: sukhasparśairmṛdvaṅgulitalai: śubhai: ।
pramamārjū raja: pṛṣṭhādrāmasyāyatalocanā: ॥ 2.103.19॥ ॥

saumitrirapi tā: sarvā: māta': samprekṣya du:khita: ।
abhyavādayatāsaktaṁ śanai rāmādanantaram ॥ 2.103.20॥ ॥

yathā rāme tathā tasmin sarvā vavṛtire striya: ।
vṛttiṁ daśarathājjāte lakṣmaṇe śubhalakṣaṇe ॥ 2.103.21॥ ॥

sītāpi caraṇāṁstāsāmupasaṁgṛhya du:khitā ।
śvaśrūṇāmaśrupūrṇākṣī sā babhūvāgrata: sthitā ॥ 2.103.22॥ ॥

tāṁ pariṣvajya du:khārttāṁ mātā duhitaraṁ yathā ।
vanavāsakṛśāṁ dīnāṁ kausalyā vākyamabravīt ॥ 2.103.23॥ ॥

videharājasya sutā snuṣā daśarathasya ca ।
rāmapatnī kathaṁ du:khaṁ samprāptā nirjane vane ॥ 2.103.24॥ ॥

padmamātapasantaptaṁ parikliṣṭamivotpalam ।
kāñcanaṁ rajasā dhvastaṁ kliṣṭaṁ candramivāmbudai: ॥ 2.103.25॥ ॥

mukhaṁ te prekṣya māṁ śoko dahatyagnirivāśrayam bhṛśaṁ manasi vaidehi vyasanāraṇisambhava: ॥ 2.103.26॥ ॥

bruvantyāmevamārttāyāṁ jananyāṁ bharatāgraja: ।
pādāvāsādya jagrāha vasiṣṭhasya ca rāghava: ॥ 2.103.27॥ ॥

purohitasyāgnisamasya vai tadā bṛhaspaterindra ivāmarādhipa: ।
pragṛhya pādau susamṛddhatejasa: sahaiva tenopaviveśa rāghava: ॥ 2.103.28॥ ॥

tato jaghanyaṁ sahitai: samantribhi: purapradhānaiśca sahaiva sainikai: ।
janena dharmajñatamena dharmavānupopaviṣṭo bharatastadāgrajam ॥ 2.103.29॥ ॥

upopaviṣṭastu tathā sa vīryavāṁstapasviveṣeṇa samīkṣya rāghavam ।
śriyā jvalantaṁ bharata: kṛtāñjaliryathā mahendra: prayata: prajāpatim ॥ 2.103.30॥ ॥

kimeṣa vākyaṁ bharato 'dya rāghavaṁ praṇamya satkṛtya ca sādhu vakṣyati ।
itīva tasyāryajanasya tattvato babhūva kautūhalamuttamaṁ tadā ॥ 2.103.31॥ ॥

sa rāghava: satyadhṛtiśca lakṣmaṇo mahānubhavo bharataśca dhārmika: ।
vṛtā: suhṛdbhiśca virejuradhvare yathā sadasyai: sahitāstrayo 'gnaya: ॥ 2.103.32 ॥ ॥